Саркофа́г, σαρκοφάγος — файта погребной лады, хоснована при погребѣ вызнамных особ и обычайно лишана на поверху землѣ в шпециалных мемориалных просторах або криптах.
Саркофагы мають форму подовгастой скрынѣ, а понеже суть назначены ку выставлѣню под голым небом, в мемориалах або криптах, суть украшены трималым декором: рѣзбами, барельефами и т.п. Найдавнѣйшы саркофагы, заховалы доднесь, суть зоз старовѣкого Египта.Ottův slovník naučnýТураев Б.
Етимология Зачаточно саркофагы правили из вапняникового камѣня, якобы способного скоро (до 40 днѣ) вберати до ся людскы позостаткы. Тот камень σαρκοφάγος λιθός sarkofagos litos ('камѣнь, пожираючый мясо') дав назву такым погребным ладам, и заховав ся надале, хоть они выробляли ся из иншого камѣня, або вообще из иншых материалох.
Фигуралный вызнам В фигуралном вызнамѣ саркофаг може означовати всяку конштрукцию, назначену про тримале укрытя. Напримѣр, саркофагом называють укрытя над гаварованым енергоблоком Чорнобыльской АЕСаркофаг: Строительство укрытия над разрушенным реактором..
Жерела и одказы Ottův slovník naučný. Illustrovaná encyklopaedie obecných vědomostí. Díl 22. Vyd. J. Otto. V Praze, 1904. Сс. 643 – 645. Тураев Б.; Саркофаги //Энциклопедический словарь Брокгауза и Ефрона, т. XXVIIIa (1900): Саварни — Сахарон, сс. 438 – 439.
Референции
Катеґорія:Погребны традиции