Пандемія COVID-19 вадь пандемія коронавіруса, причинена тяжкым острым респіраторным синдромом коронавірус 2 ( ци курто SARS-CoV-2), зачала ся из спалаху інфекції в децембрі 2019 в китайському Вухані. Дале ся хворота пошырила Азійов і выйшла на межинародну уровень у році 2020. Світова орґанізація охороны здоровля обявила спалах хвороты общественов угрозов здоровлю межинародного значіня (, курто PHEIC), а пандемійов означила 11. марця.
Позад пандемії коронавіруса по світови ся стало читавоє соціалноє й економічноє зрушеня; у Споєных штатах Америкы економіка пережыла майвелику рецесію з часув Великої депресії. Пошыреноє было панічноє купованя, уд чого ся ставали дефіціты бытовых товарув. Ошколовалні інституції тай обществені міста ся у многых юріздикціях часточно вадь цілком закрывали, а плановані події ся скасововали вадь переносили на далші рокы. Популаризовали ся дістанційна робота тай ошколованя. Пандемія пудняла вопросы дезінформації и баланса межи общественов охоронов здоровля тай індивідуалными правами.
СООЗ удкликала статус надзвычайної ситуації у общественуй охороні здоровля межинародного значіня 5. марця 2023. У 2024. році хворота щи ходила, айбо експерты вжек не были бизувні за актуалнусть статуса пандемії.
На авґуст 2024 CoVID-19 причинив 7 057 132 потверджені смерті, айбо тото число ся бере ги май малоє уд реалної цифры. Вшылиякі екстраполовані проґнозы потенційного реалного числа смертий уд коронавіруса мали уд 18.2 до 33.5 міліонув фаталных трафункув на новембер 2023, як голосило уданя The Economist, и булш як 18.5 міліонув смертий на апріль 2023 подля податкув америцького Інститута статистикы за здоровля. Тоты податкы творять наприклад и смерті позад пріорітетув и ограничінь у закладах охороны здоровля, а щи позад нежеланя челяди лічити ся. Перша потведжена смерть ся трафила у Вухані 9. януара 2020. Пандемія CoVID-19 є пятов у рейтінґови майсмертелных пандемій и епідемій.
На зачатку ся сохтовало называти варіанты коронавіруса за містами їх ідентифікації, наприклад варіант „делта“ (B.1.617.2) ся раз кликав „індійськым варіантом“, айбо май пак на тото СООЗ уже хосновала назывкы грецькых букв.
Варіанты Подакотрі варіанты COVID-19 были означені СООЗ ги „выкликавучі неспокуй“ ( , курто ). Майфайно знамі пять варіантув, котрі силно ся пошырили й дустали шырокоє усвітленя у медіах. +ВаріантыНазваОзначіняІдентифікованыйДокынуті крайиныПріорітетАлфаB.1.1.7Споєноє корольство190VoCБетаB.1.351Южна Африка140VoCДелтаB.1.617.2Індія170VoCҐаммаP.1Бразілія90VoCОмікронB.1.1.529Ботсвана149VoC
Сімптомы Люди з єднаков інфекційов CoVID-19 годні мати иншакі симптомы. Часті симптомы вто:
головный буль; страта запаху и смаку (до 88% вшыткых трафункув заражіня мали сесь симптом); забитый нус; кашланя; буль у мускулах; горячка; діарея; проблемы з дыханьом; слабусть.
Передача
Коронавірус ся головно пошырює респіраторным путьом: люде вдыхавуть друбні часткы, котрі давуть у воздух хворі на коронавірус: дыхавучи, приказувучи, кашлавучи вадь кыхавучи.
Межи способами профілактикы популарні были скіпленя (вакцинація), держаня „соціалної“ дистанції тай ношіня масок на лицьови в публічных містах, перебываня дома, кой не є важної причины быти вонка, реґуларноє мытя и дезінфекція рук.
Факторы різіку Тримле ся, ож майвеликым фактором різіку в смертности уд CoVID-19 быв и є старшый вік.
Одказы Вірус у світі
Референції
Катеґорія:Здоровя і медіціна