Андрей Сладкович (властным меном Ондрей Браксаторис, псевдонимы: Andrej Braxatoris-Sládkovič, Andrej Sládkovič, Ondřej Krasyslav Sládkovič) (* 31. марец 1820, Крупина – † 20. апрѣль 1872, Радвань над Гроном), быв словацкый евангелицкый священик, поет, литературный критик, публициста и перекладатель. На его честь названа планетка 4781 Sládkovič, гимназия в Банской Быстрици, ай в Крупинѣ — гимназия, музей и парк. На споминку о поетови каждорочно од року 1960 одбывать ся рецитаторскый конкурз Сладковичова Радвань.
Биография Походив з худобной родины учителя яко 8. дѣтвак зоз 14. Через худобность учив ся перерывчасто и де была можность: в зачаточной школѣ в Крупинѣ (1826–1830), пак в Перовчанох (1830–1831, по мадярскы), пак на пиаристичной гимназии в Крупинѣ (1831–1832), на евангелицком лицею в Банской Щавници (1839–1840), де запознав ся з поезиев Коллара и Голлого и сам зачав писати свои первы вершы. При том заробляв собѣ на штудии подомовым учительством. В роках 1839–1840 учив в заможной родинѣ Пишловых (Pischl), де залюбив ся до своей ученицѣ Марины. В роках 1840–1842 штудовав теологию на евангелицком лицею в Прешпурку, де ся спознав з Людовитом Штуром и глубоко ся прояв його народовецкым духом. В той добѣ його вершы первый раз появили ся в публикации в І. рочнику алманаха Нѣтра (1842).Ottův slovník naučný. Ту ся спознав и зоз русскыма штудентами, котры му пак подаровали цѣлого Пушкина.Životopis Andreja Sládkoviča. В роках 1843–1844 штудовав теологию на универзитѣ в Галле, а тымчасом Марину Пишлову оддали за едного богатого цукраря. В роках 1844–1845 на память о той любости написав лиричну поему Марина. За тым в роках 1845–1846 слѣдовала його друга лирично-епична поема Дьетван (Легинь з Дьетвы). По штудиях еще пару рокы пробывав домашным учительом, аж в року 1847 быв высвяченый на священика, достав фару в Грохотѣ и оженив ся з Антониев Юлиев Сековичовов, з котров пак мали девятеро дѣтей. В року 1849 быв арештованый и выслухованый мадярскыма револучныма гардистами за свои народовецкы погляды. В року 1856 быв пересунутый до Радвани над Гроном, де служив до конця живота.
Творба Андрей Сладкович быв найвекшым поетом Штуровой школы. В його поезии мож видѣти два пруды: великы лирично-епичны поемы, в духу Коллара, Байрона и Пушкина (Марина, Дьетван) и мала лирика, котра е переважно патриотична и рефлексивна, обернена ку молодежи и звязана з добов народностного пробуджѣня и политичныма подѣями той добы. Поема Марина, котра подавать идеализованый образ словацкой дѣвкы, ся спочатку стрѣтила з непорозумѣньом у читателя. Поема Дьетван ославуе образ словацкого юнака в добѣ краля Матяша Корвина.Josef Kotrč, Josef Kotalík. В сучасности поема Марина еднозначно ся поважуе за Сладковичов верхотвор, перекладена по мадярскы (двараз), по чешскы, польскы, французскы.
Интересны факты Етимология призвискаВ XVII. сторочу учены Словаци собѣ латинизовали имена: braxator одповѣдать sládek, солодарь, циже ремеселник, котрый одповѣдать в пивоварни за приготовлѣня солода. Дом МариныВ Банской Щавници е музей-архив Дом Марины, котрый названый по Сладковичовой поемѣ; тут залюбены можуть заархивовати память о своей любости депонованьом даякого предмета (фото, обручка).https://www.facebook.com/EpicentrumLasky/videos/542166829515758/ https://www.bbc.com/ukrainian/news-russian-43048563
Жерела и одказы Josef Kotrč, Josef Kotalík. Stručné dějiny československé literatury pro vyšší třídy škol středních. V Praze, nákladem Československé grafické unie A.S., 1934. Ss. 69–70. Ottův slovník naučný. Illustrovaná encyklopaedie obecných vědomostí. Díl 23. Vyd. J. Otto. V Praze, 1905. S. 328.
Životopis Andreja Sládkoviča а dielo Andreja Sládkoviča v Zlatom fonde denníka SME
Референции
Катеґорія:Поеты Словакии