Дурный апрѣль — неофициалный святок, традиция, котра ся утримуе в розличных державах в день 1. апрѣля каждого рока, коли люде вычиняють розличны фиглѣ, труфалкы, забавны швинглѣ и гунцутства зоз своима приятелями, учителями, сосѣдами, колегами в роботѣ и т. п. Напримѣр, посылають нескушеного колегу за дачим, што не екзистуе, а того, што го здурили называють апрѣльом, або дурным апрѣльом.Ottův slovník naučný, т. 2, с. 548.
Походжѣня Походжѣня того звыка остаточно не выяснене. Предпокладать ся, же може то быти од року 1564, коли краль Шарл IX. переклав зачаток рока з 1. апрѣля на 1. януара: тогды тыж были звыком новорочны даркы, але по той реформѣ люде зачали еден другому натякати в януарѣ на апрѣльовый дарок, а в апрѣлю — на януаровый.Révai nagy lexikona, том 1, с. 760.
В иншых державах В англоязычных державах так здуреного чоловѣка называють April Fool (апрѣльовый дурак), в Германии — Aprilsnarr (то исте), во Франции — poisson d’avril (апрѣльова рыба) зато бо там традиция вырѣзати з папѣря рыбу, а прилѣпити непостямкы на плечи колегови, з кым чинять труфалку.
В масмедиях Масмедиа на Дурный апрѣль обычайно подають даякы сензацийны новины, котры суть фалшованы, але правдоподобны. Напримѣр, новинка The Guardian 1. апрѣля 1977 вышла з прилогов на 7 сторонах, де подробно писала о маленькой островной републицѣ San Serriffe, складеной з двох островох, Caissa Superiore и Caissa Inferiore (по англицкы Upper Caisse и Lower Caisse), во формѣ точкы зо запятов, котра просто идеална про спочивок на морю. Главный город републикы — Bodoni, лидер General Pica. Тота мистификация была надзвычайно успѣшна: мало котры з читательох стямили, же тоты вшиткы назвы суть з типографско-принтерной терминологии. Подобной практикы хопили ся ай вецеры таблоиды в наступных роках.#5: San Serriffe
Жерела и одказы Ottův slovník naučný. Illustrovaná encyklopaedie obecných vědomostí. Díl 1–28. Vyd. J. Otto. V Praze, 1888–1909. Révai nagy lexikona. 1. köt. Révai Testvérek Irodalmi Intézet Részvénytársaság, Budapest. 1911.
Референции
Катеґорія:Апріль