Петрó (даколи і Пе́тер) Медвíдь (; 6. фебруара 1981, Пряшів, Пряшівскый окрес, Пряшівскый край, Чехословакія) є словацькый новинарь, русиньскый актівіста, писатель, драматурґ, актер і говорця „Округлого стола Русинів Словакії“. Є єднов з найвыразнїшых особностей сучасного русиньского народностного руху на Словакії.
Жывотопис Народив ся в Пряшові, де ся ёго родічі переселили за роботов. Ёго родинне корїня лемже сягають до реґіону горного Земпліна; отець походить з села Полата а мама з села Чабины. В дїтстві перебывав велё часу в Меджілабірцях і Полатї, што формовало ёго одношіня к русиньскому языку і културї, кедьже в родиннім середовиску ся комуніковало по русиньскы.
Дїятельство і карьєра Выштудовав на Пряшівскій універзітї в Пряшові. Професійно робить як новинарь і говорця.
Новинарьство і актівізм Петро Медвідь є довгорочным шефредактором русиньскых новин „Інфо Русин“ (двойтыжденник). Робить тыж як коментатор і редактор в русиньскых інтернетовых радіях „lem.fm“, „rusyn fm“ і екстерным редактором словеньского тыжденника „Тыждень“, де ся присвячує актуалным сполоченьскым і політічным темам тыкаючім ся русиньской меншыны.
У рамках обчаньской актівіты є говорцём платформы „Округлый стіл Русинів Словакії“, котра здружує русиньскы орґанізації і особности на Словакії. Як заступця русиньской меншыны по презідентьскых вольбах Словацькой републікы в роцї 2019 быв ай членом порадного орґану презіденткы Зузаны Чапутовой про народностны меншыны. Актівно ся засаджує проти асімілації Русинів і пропаґує вжываня русиньского языка в публічнім просторї.
Култура і уменя В роцї 2014 сполузаложыв в Пряшові незалежный театер „Театровый кабінет выходняра“, де робив як дратамурґ і актер. Сполупрацує ай з Театром Александра Духновіча, про котры перекладає і управлює театровы гры до русиньского языка (напр. драматурґія гры Александра Духновіча „Главный бубнарь“).
Є тыж літературный дїятель. Ёго тексты были публікованы в Рочнику Руськой Бурсы і є сполуавтором книгы „Perša liga paribkiv“ (Перша ліґа парібків; вєдно з Ванём Гунянком і Богданом Ґамбалём). В роцї 2024 выдав вершову збірку „Modrou krajinou“ (Синёв країнов).
Дїло Perša liga paribkiv (2021; сполуавтор) – збірка публіцістічных текстів. Modrou krajinou (2024) – вершова збірка.
Жрїдла і одказы Петро Медвідь // Здружіня „Округлого столу Русинів Словакії“ ФОТО Петро Медвідь // Радіо „Лем.фм“ ФОТО Петро Медвідь // Радіо „Русин фм“ ФОТО
Референції
Катеґорія:Русиньскы народны дїятелї Катеґорія:Русиньскы актеры Катеґорія:Русиньскы новинаре