Зикр, ذکر — в исламѣ — упоминаня имени Бога наголос з намѣром прославлѣня,Башарин П. В., с. 460. ритуална молитва, практикована могамеданскыма мистиками (суфиями) про то, жебы прославили Бога и досягли духовной совершености.Encyclopædia Britannica
Практика зикра В практицѣ суфийскых братств окрему вагу мать способ окончѣня зикра, браный як важный ритуал. Великый вызнам доставать поза, особенны ритмичны рухы, техника дыханя. Способы окончѣня зикра в розличных братствах ся одличують. Важна, примѣром, сила голоса. Едны братства практикують голосный зикр, иншы — тихый. Тыж суть индивидуална и колективна традиции зикра. Роздѣлы меджи традициями братств были предметом спорох и противостаня.
Зикр включать велике число повторѣнь набоженскых формул, котры в основѣ взяты з Корана, напримѣр: ла илага илла Аллаг, “нѣт иншого Бога окрем Аллага”; Аллагу акбар, “Аллаг найвекшый”; ал гамду ли Аллаг, “хвала Аллагу”; астакфиру Аллаг, “одпусть ми, Аллагу”.
Помочны средства Понеже цѣль зикра — набоженскый транс, дакотры братства стимуловали його настаня спожитьом кавы, алкоголу и наркотикох. Иншы выступали против того. Обы ся не поплести при рахунку числа повторѣнь набоженскых формул, од IX. стороча широко ся поуживають пацеркы (тасбих).
См тыж Дервиш Сама
Жерела и одказы Башарин П. В.: Зикр //Энциклопедия религий / Под ред. А.П. Забияко, А.Н. Красникова, Е.С. Элбакян. — М.: Академический Проект, Гаудеамус, 2008. — 1520 с. ( Академический Проект) ( Гаудеамус)
Референции
Категория:Іслам