Ката́р ( قطر Qatar), официално Штат Ката́ра ( دولة قطر Dawlat Qaṭar, The State of Qatar) — монархия в югозападной Азии, на полуостровѣ Катар.Прохоров А. М., с. 558. Главным городом е Довга.
Обывательство и штатне заряджѣня Держава зо скоро наростаючым обывательством: днесь (2025) десять разы тельо, як было в року 1986 (300 тыс.), але корѣнне обывательство чинить лем ¼, а ¾ суть имигранты, поза городами жие менше як 10% обывательства.
Официалный язык — арабскый. Державна религия — ислам. Державне заряджѣня — абсолутна монархия. Глава державы — емир.
География Низинна пустыня, ровнина. Клима тропична, суха. Середня теплота януара 16°С, юла — 32°С. Атмосферичны падавины до 125 мм рочно. Рѣкы не суть, аграрна продукция лем в оазах.
История Од VII. стороча в Арабском халифатѣ. В XIII. – XIV. сторочах под владов емирох Бахрейна; в зачатку XVI. стороча — Португалцьох, затым — Османской империи. В роках 1916–1971 под британскым протекторатом.
По безкровном державном переворотѣ в року 1995 (сын одстранив од влады отця) зачали ся радикалны реформы. Створена сателитна новинова агенция Al-Jazeera и Катар зачав доставати векшу вагу в рѣшѣню регионалных конфликтох. В року 2007 Катар досяг найвысшый во свѣтѣ ГДП на особу.
Политика По регионалных непокоях в року 2011 Катар хвалив ся свойов подпоров многых регионалных «револуций», наймя в Либии и Сирии. Тов политиков погубив одношѣня з Бахрейном, Египтом, Саудсков Арабиов, Споеныма Арабскыма Емиратами. По куртом примирѣню (2014), в року 2017 тоты державы розорвали з Катаром дипломатичны и економичны одношѣня.CIA World Factbook. Од року 2022 Катар главный союзник США поза рамками НАТО.
Економика Економика основана на експортѣ сырой ропы и земного газа. При днешном темпѣ експорта ропы застане на дас 56 рокы. Резервы земного газа чинять 13% од свѣтовых.
Жерела и одказы Прохоров А. М. (гл. ред.): Большой энциклопедический словарь — Москва: Советская энциклопедия, 1993. — 1630 с.
Референции
Катеґорія:Катар Катеґорія:Державы Азии