Йоанн Кутка, *1750, Суков, жупа Шариш, Мадярске кральовство – †1812, Унгвар, Мадярске кральовство — церковный дѣятель, просвѣтитель.Udvari IstvánПоп, Иван
Биография Филозофию штудовав в Кошицях, теологию — в Мукачовѣ. Высвяченый на грекокатолицкого священика в року 1775, преподавав основы литургии в Мукачовской духовной семинарии (1777–1786) и быв ей ректором (1783–1786). Од року 1777 быв секретарьом епископа Бачинского, од року 1794 — каноником, а по смерти епископа (1809) — генералным викарьом капитулы, фактично старшов особов епархии.
Творба Учебникы Йоанна Куткы днесь оцѣнють позитивно: они одзеркалюють языковый вывой на Угорской Руси той добы, котрый ся характеризовав приближаньом литературного языка од церковнославянского ку бесѣдному языкови народа.Ковач, Федір При пануючых тогды русофилскых поглядах интелигенции Кутка быв своима сочасниками критикованый за щедре примѣшованя мѣстной бесѣды до церковнославянского языка,Алмашій, Михайло а в року 1942 уже и литературознатель русофил Евгений Недзѣльскый дефинитивно ставать на оборону Куткы, котрый «бизовно знав литературный русскый язык, але свѣдомо не хосновав го» на хосен народной бесѣды, и аргументуе:Недзѣльскій, Евгеній в том часѣ и в России язык розвивав ся путьом векшого хоснованя народной бесѣды; сам характер учебникох (катехизма, букваря) жадать, жебы язык быв порозумѣлый народови, а тото примѣшованя народной бесѣды мож видѣти и в катехизмах, котры тогды выдавали в России; Кутка указав себе добрым педагогом, котрый розумѣв, же учебник будуть читати не лем добрѣ школованы интелигенты, знаючы русскый и церковнославянскый язык, но и прощава, случайно научивша ся читати, про котру треба поужити привычный словник; наконець, язык Куткы, честно кажучи, быв овельо граматичнѣйшый и правилнѣйшый, неж язык обѣжникох самого епископа Бачинского, не кажучи уже за позднѣйшых новаторох, як примѣром, Ласлов Чопей. Букварь Куткы перевыдавав ся три раз, Малый катехизм 11 раз, послѣдный раз в року 1931! Евмений Сабов зазначав, же ку катехизму Куткы «народ привык, и тяжко было йому нанутити иншый». Тото само свѣдчить, же Кутка свое дѣло зробив добрѣ.
Жерела и одказы Udvari István. Kutka János katekizmusa (Buda, 1801). Egy XIX század eleji ruszin kulcsmű. In Hungaro-Slavica 1997. Studia in honorem Stephani Nyomárkay. Budapest, 1997, pp. 329–333. Алмашій, Михайло: Кутка Іоанн //Русинська педагогічна енциклопедія. — Ужгород: Карпатська Вежа, 2005. — 304 с. С. 134. Ковач, Федір: Кутка Іван // С. 192. Евгеній Недзѣльскій; Очеркъ карпаторусской литературы. Изданіе Подкарпаторусскаго Народнопросвѣтительнаго Союза въ Ужгородѣ. 1942. С. 92. Поп, Иван: Кутка Иоанн //Энциклопедия Подкарпатской Руси. — Ужгород: Изд-во В.Падяка, 2001. — 431 с. С. 227.
Референции
Категория:Русиньскы церьковны дїятелї Катеґорія:Персоналии 18. стороча Катеґорія:Персоналии 19. стороча Катеґорія:Персоналії подля алфавіту