Аллаг, од الله ал-илаг )— божество в арабской мифологии и Бог в исламѣ.Рощин М. Ю.
Слово мать шпецифичне значѣня в главных монотеистичных религиях (юдаизм, христианство а передовшиткым ислам), де означуе единого Бога, створителя Вселены. В давной (доисламской) арабской мифологии — найвысше божество. Быв честованый в сѣверной и централной Арабии як бог-предок и демиург, бог неба и дождя, творець свѣта и людей, отець богох. Супругов Аллага ся поважовала Аллат (у Арабох сирийской пустыни) або Узза (на югу Централной Арабии); в иншых районах Арабии они въедно з Манат суть честованы як дѣти (дѣвкы) Аллага. В исламѣ — единый Бог, сотворитель вшиткого сущого, пославшый во свѣт пророка Могамеда. Аллаг — первоначало (Творець), высшый судця, первый и послѣдный, явный и скрытый (Коран, 13:16,42:49, 57:3,95:8). В могамеданском поклонѣню честують «99 прекрасных имен» Аллага. Учѣня о Аллагу стало ся основов могамеданской теологии, а единобожие — главным догматом ислама. Одношѣня ку иншым вѣрам Подля Корана ай исламской традиции, вшиткы библийны и дакотры арабскы пророкы были посланиками Аллага, што е тот истый Бог, котрому ся поклоняють юдеи и христиане, але они одошли од истинной вѣры, перекрутивши его Слова и придавши ему «сполочникох», зробивши тым крок ку поганству. Класичный примѣр такого перекручѣня зачаточного монотеизма — христианскый догмат о Тройцѣ, в протикладѣ котрому Коран мать принцип строгого еднобожества (таухид), основаного на вызнаню единости Аллага. Формула «Нѣт ниякого божества, окрем Аллага, и Могамед — посланик его» — найкуртшый выклад вѣросповѣдного креда магомедана.Алексеев И. Л.
Жерела и одказы Алексеев И. Л.: Аллах //Энциклопедия религий / Под ред. А.П. Забияко, А.Н. Красникова, Е.С. Элбакян. — М.: Академический Проект, Гаудеамус, 2008. — 1520 с. ( Академический Проект) ( Гаудеамус) Сс. 56–57. Рощин М. Ю. АЛЛАХ // Большая российская энциклопедия. Том 1. Москва, 2005, стр. 503 Редакция: 2016. Одчитане: 05.08.2020
Референции
Категория:Іслам Категория:Арабы