Пико, Montanha do Pico — стратовулкан на островѣ Пико, в атлантичном архипелагу Азоры, а тыж найвысшый верх Португалии и третий найвысшый верх Атлантичного океана.peaklist.org
История Вывержѣня вулкана Пико в истории часто ся ставали з бочных каналох на его флангах, а не з кратера на вершку. В роках 1562–1564 вывержѣня на юговосточной обочи привело ку потокам лавы, котрые аж досягли берег океана. Далше подобне велике флангове вывержѣня стало ся в року 1718. Послѣдне вывержѣня было в децембрѣ 1720.Vulcão do Pico
Регионалный центер сейсмичного и вулканологичного мониторинга, CIVISA Centro de Informação e Vigilância Sismovulcânica dos Açores, зафиксовав 29 септембря 2009, же фумарола на додаточном, меншом конусѣ (Пикиньо) зачала выпущати вулканичны газы, але было то в границях нормы и вулкан зоставать в заспалом станѣ.
Геология Сучасный рельеф острова сформованый трьома историчныма ерупциями (1562, 1718 и 1720). Штруктурно ся роздѣлять на сам вулкан и восточну роспукленинову зону. Вулкан мать на вершку кратер и . З едного боку ся над кратером здвигать на вышку 70 м малый вулканичный конус, котрый творить правдивый вершок горы и называть ся Пикиньо, Piquinho малый вершок. На вершку Пикиньо лежить зона, де фурт выходить горяча водяна пара (50 °C аж 75 °C). Суть тыж иншы каналы выхода пары и газох во вышках 1500 м и 2000 м.José Madeira & António Brum da Silveira (October 2003), p.748
Туристика Доступный туристичный пѣшник, котрым ся мож достати на вершок вулкана, што забере двѣ – четыри годины.
Жерела и одказы Madeira, José; Silveira, António Brum da (October 2003), "Active Tectonics and First Paleoseismological Results in Faial, Pico and S. Jorge Islands (Azores, Portugal)", Annals of Geophysics (PDF), 46, Bologna, Italy: INGV, Istituto Nazionale di Geofisica e Vulcanologia, pp. 733–761.
Референции
Катеґорія:Верхы и горскы пасма Катеґорія:Верхы и горскы пасма Португалии Катеґорія:Вулканы