Любор Нидерле, Lubor Niederle (псевд. тыж L. Novotný), 1865, КлатовыMatriční záznam o narození a křtu – 1944, Прага — чешскый слависта, антрополог, етнограф, археолог и музейник, поважованый за едного зо закладательох модерной чешской археологии.Арциховский А. В.Елинкова Д.Іваненко О.А.Поп И.
Живот и творба Абсолвовав филозофску факулту Карловой универзиты (1887). Професор преисторичной археологии и етнографии на Карловой универзитѣ (1898-1929). Закладатель и первый директор Археологичного инштитута в Празѣ (1919-24). В року 1893 вышла його книга Людство в преисторичной добѣ, де выкладена археология вшиткой Европы од палеолита до середновѣку включно. В 1902–34 опубликовав многотомне дѣло Славянскы старожитности (тт. 1–3, 1902–19, 2-а часть под назвов Култура давных славянох, тт. 1–3, 1911–34), выникаюче научнов точностьов и объективностьов. В той роботѣ зобрано вшитко, што тогды было познате о славянах IX.–XII. стороча, переважно по выкопавках в Чехии и России, и указана выразна и своефайтова славянска култура. Оперши ся на археологичны податкы и поровнавши их с историчныма, филологичныма и етнографичныма материалами, Нидерле выказав културну общность славян в середновѣку.
Нидерле был промотором модерных археологичных методох «универзитной школы», основаных на критично-аналитичном приступѣ ку жерелам. Въедно зоз своим давным сполочником археологом Карелом Бухтелом выступив против «музейной школы» и в коавторствѣ написали Приручник чешской археологии (1910), в котром описали доисторичны подѣи в Богемии в доднесь вызнаном выкладѣ. Хоть и Нидерле и Пич были щирыма Чехами и глубокыма патриотами, их роздѣляло то, як приступали ку жерелам. Пич быв «антикваром» XIX. стороча и марнославным оборонительом рукописох, а Нидерле уже быв модерным експертом XX. стороча: нигда не поплѣв презумпцию достовѣрности з конкретным, доказателным фактом.Libri.cz
В Славянскых старожитностях и в окремых статьях о Карпатской Руси писав, же предкы карпатскых Русинох зачали заселяти територию Подкарпатской Руси уже в V. сторочу, а появили ся ту, подля його думкы, яко сполочници Гунох, котры заяли Паннонию. Занимав ся тыж спорнов темов русинско-словацкой етничной границѣ.
Выбор з творбы 1893–1894 — Lidstvo v době předhistorické se zvláštním zřetelem na země slovanské (Praha; XXXIX + 760 str.). 1896 — Průvodce po Národopisném Museu Českoslovanském (Praga: nakl. rady N. M. Č.). 1903 — Národopisná mapa uherských Slováků na základě sčítání lidu z r. 1900, w: NSČ IX (Praha; 226 str., з 13 мапами). 1910 — Rukověť české archeologie (коавтор Карел Бухтела, Praha; 110 str. + XXV tab.). 1902–1927 – Slovanské starožitnosti (Praha).
О Карпатской Руси 1903–1904 — K sporu o rusko-slovenské rozhraní v Uhrách. //Slovanský přehled, 1903, T. 5; 1904, T. 6 1922 — Počátky Karpatské Rusi. //Národopisný věstník československý, 1922, T. 15, Č. 2; 1931 — Počátky slovanského osídlení na Podkarpatské Rusi. //Národopisný věstník československý, 1931, T. 24
Интересны факты Л. Нидерле быв способным креслярьом и так векшу часть своих статей и книг илустрировав своима рисунками. Научный спор «универзитной» (Нидерле) и «музейной школы» (Пич) закончив ся самогубством програвшой стороны.
Жерела и одказы Арциховский А. В.: Нидерле Любор //Большая Советская Энциклопедия (онлайн) Одчитане: 2020-09-27 Іваненко О.А.: НІДЕРЛЕ ЛЮБОР //Енциклопедія історії України: Т. 7: Мл–О / Редкол.: В. А. Смолій (голова) та ін. НАН України. Інститут історії України. — К.: В-во "Наукова думка", 2010. — 728 с. Одчитане: 2020-09-27 Сс. 390–391.
Поп И. Энциклопедия Подкарпатской Руси. Ужгород: Изд-во В. Падяка, 2001 Сс. 276–277.
Референции
Категория:Археологы Категория:Етнографы Категория:Слависты