Меджинародне бюро дѣточой книгы, International Board on Books for Young People, в покуртаню IBBY — меджинародна незыскова организация, завязана пропаговати и подпоровати якостну дѣточу и молодежну литературу меджи народами цѣлого свѣта в интересѣ их взаимного порозумѣня.Официалный сайт
Взник и штруктура IBBY - незыскова организация, основана в Цюриху, Швайц, в року 1953. В сучасности ся складать зоз 81 националных секций по штатах свѣту.Националны секции IBBY Тото суть переважно штаты з высокорозвитым книжным выдательством и школскыма програмами, але тыж и такы, де суть лем немногы одданны свому дѣлу професионалы, котры ся взяли за новаторску роботу в сферѣ выданя и пропагованя дѣточых книг. Политику и програмы IBBY формуе Выконный комитет и Президент, выбераны кажды два рокы националныма секциями подля статуту IBBY. Каждоденне справованя веде Секретариат, умѣщеный в Базелу, Швайц. Буджет IBBY складають каждорочны поплаткы од националных секций, припадно окремы дарованя од штатох, организаций або приватных особ.
Задачѣ подпоровати меджинародне порозумѣня через дѣточы книжкы, дати дѣтям по свѣтѣ можность доступу ку книгам высокой литературной и умѣлецкой вартости, подпоровати выданя и ширѣня добрых дѣточых книг, каммай в розвойовых землях, давати помочь и выуку тым, што звязаны з воспитаньом дѣти и з дѣточов литературов, стимуловати выгледованя и научны роботы на полю дѣточой литературы, обстойовати права дѣтей подля Конвенции ОЗН о правах дѣтины.Задачѣ
Акции и награды IBBY на выконаня своих задач организуе и спонзоруе розличны акции. Найширша з них — Меджинародный день дѣточой книгы,Меджинародный день дѣточой книгы котрый ся зряджуе рочно в первом тыждню апрѣля около дня уродин Ганса Кристиана Андерсена. Придѣлять тыж даколько наград, з котрых найпрестижнѣйша — Медалия Ганс Кристиан Андерсен.Медалия Г. К. Андерсен
Жерела и одказы
Референции
Категория:ЮНЕСКО Категория:Міджінародны орґанізації