Андре́й Ива́нович Пу́шкаш (*, Великы Комяты, Подкарпатска Русь, Чехословакия – †, Москва, Россия) — доктор историчных наук, професор, ведучый научный працовник-конзултант Инштитута славистикы РАН, вызнаный фахман з истории Мадярщины и меджинародных одношѣнь в Середньой Европѣ в найновшой добѣ.Славяноведение, №3 2009Новая и новейшая история 2008
Живот и творба Школы и карьера Походив зо селянской родины. По народной школѣ во своем селѣ закончив гимназию в Мукачовѣ ай первый выпуск историчной факулты новоствореной универзиты в Ужгородѣ (1945–1951) з т. зв. „червенов дипломов“ и быв посланый учительом истории до Перечинской середньой школы. Диплома з вызначѣньом помогла му од року 1953 продовжити штудии в ашпирантурѣ Инштитута истории АН СССР.Худанич В. І. В року 1956 обгаив кандидатску дизертацию з темов Борьба Венгерской коммунистической партии за разрешение аграрного вопроса. 1944-1948 и зостав працовати в инштитутѣ. На основѣ той дизертации в року 1959 вышла його перва монография Борьба за аграрные преобразования в Венгрии (1944-1948). Як знаючого мадярскый язык историка, послали го до Историко-дипломатичного оддѣлѣня Министерии загранича СССР, де довгый час штудовав и порядковав трофейны мадярскы архивы. В року 1965 обгаив докторску дизертацию з темов Венгрия во Второй мировой войне. Внешняя политика Венгрии (1938–1944) на основѣ монографии з року 1963. В року 1966 вышла доповнена верзия, котра была в року 1971 выдана по мадярскы. Тоты роботы мають пряме одношѣня ку истории Подкарпатя. В року 1968 переходить до Инштитуту славистикы и балканистикы АН СССР. В року 1970 ставать ся сполузакладательом двосторонной Совѣтско-мадярской комисии историкох. Своима роботами, основаными на солидных штудиях жерел, вводячыми до научного обѣгу немало новой документации, доктор Пушкаш зыскав честованя и мадярскых колег. В року 1975 вызнаменаный еднов з высшых мадярскых владных наград. Од зачатку споив научну чинность з педагогичнов — преподавав найновшу историю и политологию в МГИМО, пединштитуте (нынѣ Московска педагогична штатна универзита), готовив ашпирантох. Быв наремный трудолюб, не лишив научну роботу до конця своих дней.
Выбер з творбы Венгрия в годы Второй мировой войны" (М., 1966) Внешняя политика Венгрии, ноябрь 1918 – апрель 1927 г." (М., 1981) Краткая история Венгрии с древнейших времен до наших дней" (М., 1991: сполуавтор) Внешняя политика Венгрии, апрель 1927 – февраль 1934" (М., 1995) Внешняя политика Венгрии, февраль 1934 – январь 1937" (М., 1996) Цивилизация или варварство: Закарпатье. 1918–1945 (М., 2006).
Интересны факты Перва його робота з истории родного края была опубликована в Ужгородѣ ещи в року 1949.
Жерела и одказы Худанич В. І.: Пушкаш Андрій Іванович //Енциклопедія Закарпаття. Визначні особи ХХ століття. Закарпатський осередок НТШ. Під наук. ред. Довганича О. Д. — Ужгород: «Гражда», 2007 — 400 c.
Референции
Катеґорія:Русиньскы історіци Катеґорія:Педаґоґы Катеґорія:Персоналії подля алфавіту