Ужок, — село в Украинѣ, в Закарпатской области, в бывшом (до року 2020) Великоберезнянском районѣ, оддалене о 45 км од бывшого районного центра.Тронько П. и др. (ред.), с. 202. По реформѣ року 2020 село належить до Ужгородского району, входить до Ставненской териториалной громады, оддалене од Ужгорода о 84 км. Администрация Ужоцька сільська рада 89031, c. Ужок, вул.Головна,3 тел. 3803135-38-2-91
История Перва упоминка о селѣ походить з року 1582 з листины, потвержуючой, же властниками села суть Другеты.Sebestyén Zsolt Хоть Ужок быв основаный в XVI. сторочу, але на зачатку XVII. стороча село вымерло од мора. По часѣ было заселене приходниками з Галичины.
В року 1910 зоз 1045 обывательох Ужка были: 823 Русины, 130 Нѣмцѣ, 62 Мадяре. Подля вѣры: 843 грекокатолици, 125 израелиты, 65 римокатолици.A történelmi Magyarország
25. септембра 1914 российска армада прорвала ся через Ужоцкый просмык до Мадярщины, але уже 4. октобра была выбита назад. Ещи мѣсяць ся тягли тяжкы бои, в котрых оборонцѣ стратили 20% своих воякох.Révai nagy lexikona
В боях были розбиты ужоцкы купелѣ, модерный балнеологичный курорт, котрый мав два домы з купелями (28 кабин), пять бунгаловох (60 цимрѣ), залы на шведску гимнастику, парк з фонтанов во формѣ фигуры Геркула, што ся бие з гидров. Тота фигура, зготовлена в року 1842, ся заховала и стоить днесь во дворѣ Ужгородского замку. В медживойновой, чехословацкой добѣ купелѣ были часточно обновлены и дале выуживали 7 мѣстных минералых жерел (три на питя, четыри на купелѣ), а тыж быв выбудованый готел Шпорт (в Другой свѣтовой войнѣ знищеный) на выхоснованя барз вгодных околичных теренох про лыжованя и туристику.Достал Я.
В року 1930 Ужок мав 1147 обывательох, з них были: 975 Русины, 72 Евреи, 62 Чехы и Словаци, 7 Мадяре, 31 чужоземцѣ. Грекокатолицка громада числила 974 вѣрникы. В селѣ была русинска школа (3 класы) и чешска (1 класа); жандарска станиця и мытниця ( финанцы).
В року 1944 в околици села на желѣзници Жорнава—Ужок успѣшны диверзии чинили партизаны оддѣлу . 16. октобра 1944 село выслободив од фашистох 18. стрѣлецкый корпус Червеной армады. З тым ся зачала писати украинско-совѣтска история села. В року 1969 в селѣ жили 1023 особы, была восямрочна школа, клуб и двѣ библиотекы. Селяне ся занимали овчарством и култивовали кромплѣ.
Памяткы Деревляна шатрова тризрубна церква XVIII. стороча (хранена державов), свѣтова дѣдовизна UNESCO.
Жерела и одказы A történelmi Magyarország atlasza és adattára 1914 Révai nagy lexikona. 18. köt. Révai Testvérek Irodalmi Intézet Részvénytársaság, Budapest, 1925 С. 663. Sebestyén Zsolt: Kárpátaljai helységnév-magyarázatok a Nagybereznai járásból Сс. 180–181. Достал Я. Підкарпатська Русь. (Закарпаття періоду Чехословацької республіки 1919–1938). Ужгород, 2014. С. 58. Тронько П. и др. (ред.). Історія міст і сіл Української РСР. Том 7. Закарпатська область. Київ, 1969. С. 202.
Референции
Катеґорія:Населены пункты Украины Катеґорія:Населены пункты Закарпатской области