Кральовство Сербох, Хорватох и Словенцьох, курто Кральовство СХС, Kraljevina Srba, Hrvata i Slovenaca, Краљевина Срба, Хрвата и Словенаца — заниклый штат на Балканѣ, котрый екзистовав в роках . Од 3. октобра 1929 перетвореный на Кральовство Югославия, Краљевина Југославија, Kraljevina Jugoslavija.Кузьмичёва Л. В.
История По тому, як Австро-Мадярщина была поражена в Первой свѣтовой войнѣ, Парижска мирна конференция вытычила основу новых штатных границь на Балканах. Основным бенефициаром того стало ся новостворене Кральовство Сербох, Хорватох и Словенцьох (1918–1929), до котрого вошли бывшы уже перед тым независимы кральовства Сербия (въедно з контролованов Сербами Македониев) и Чорна Гора, а тыж Хорватия, Босния и Герцеговина, австрийскы територии в Далмации и Словении и мадярскы землѣ на сѣвер од Дуная.Allcock, John B. and Lampe, John R.
Южнославянскы землѣ, котры были в роспадаючой ся Австро-Мадярщинѣ 29. октобра 1918 выголосили о розорваню з империев и створѣню властного штату Держава Словенцьох, Хорватох и Сербох. Тот куртоживучый и невызнаный штат неодовго став частьов новоствореного кральовства.Задохин А. Г., Низовский А. Ю.
Зоз такым многонародностным кральовством взникли великы тяжкости. Хорваты хотѣли были федеративну штруктуру, котра бы зважала на рознородность традиций, тогды як Сербы были за унитарну державу, котра бы зъединила свое пестре обывательство в еден монолит. Взяло верх унитаристске рѣшѣня, конштитуция з року 1921 установила высокоцентрализовану державу под владов сербской династии Караджорджевичох, в котрой законодарна влада належала въедно з монархом и Скупщинѣ (сойму). Краль меновав Кабинет министрох и лишав за собов значны вонкашнополитичны прерогативы.
В року 1919 четыре меншы болгарскы територии на юговыходѣ, меджи нима Струмица, были одступлены новоствореному кральовству. В року 1925 Албания одступила пограничну територию з монастырьом Святого Наума.Kingdom of Serbs, Croats, and Slovenes
Усилуючи ся звладати локалны национализмы, краль Александер I. Караджорджевич 6. януара 1929 выгласив кральовску диктатуру, зрушив конштитуцию, роспустив Скупщину, яко збыточных «посредникох меджи кральом и народом», и 3. октобра 1929 прейменовав державу на Кральовство Югославия. Краль быв пересвѣдченый, же сербскый, хорватскый або словенскый национализм мусить ся уступити перед высшов идеев югославского (южнославянского) патриотизма.
Жерела и одказы Задохин А. Г., Низовский А. Ю. Пороховой погреб Европы. — М.: Вече, 2000. — 416 с. (Военные тайны ХХ века). Одчитане: 25.02.2021 стр. 147 Кузьмичёва Л. В. КОРОЛЕВСТВО СЕРБОВ, ХОРВАТОВ И СЛОВЕНЦЕВ // Большая российская энциклопедия. Том 15. Москва, 2010, стр. 349 Верзия: 2016. Одчитане: 24.02.2021
Референции
Катеґорія:Бывшы штаты Катеґорія:Штаты і теріторії, котры основаны 1918