Михайло Драгоманов ( Михайло Петрович Драгоманов, , Гадяч, Полтавска губерния, Малороссия – †2. юл 1895, София, Болгария) — украинскый сполоченскый дѣятель и политичный теоретик, педагог, историк, етнограф и литературознатель.Пінчук Ю. А.Иван Поп
Биография Походжѣня Походив зо схудобнѣлой дробной шляхты. Его стрый быв декабриста . Михайло Драгоманов быв уйко Лесѣ Украинкы.Большая российская энциклопедия Штудии Гимназиалны матуры склав екстерно, бо на послѣдном рочнику быв выказаный з гимназии за дерзость.Драгоманов М., Автобіографія, с. 4. В роках штудовав историю и филологию на Киевской универзитѣ. Од року 1864 приват-доцент на той же универзитѣ, читав историю старовѣкого Рима. Паралелно ся занимав изгледованями украинского и славянского фолклора. Быв активным сполоченскым дѣятельом киевской «Громады».Киевска «Громады» была неформалным здружѣньом около 300 интелигентох, котры пропаговали украинску окремѣшность, а в 1860-х были гонены царсков владов
Емиграция В року 1875 быв выказаный зоз универзиты за украинофилство и политичну несполягливость, пак од року 1876 жив на емиграции, де од року 1878 за грошѣ киевской «Громады» основав печатню и выдавав зборник, по часѣ журнал «Громада» (1878–1882), а тыж новинку «Вольне слово», котра пропаговала либерально-конштитучны идеи, публиковав , и др. По своих поглядах означовав себе за социалиста, але западноевропской школы,Драгоманов М., Автобіографія, с. 39. и на емиграции тота позиция ещи вецей ся утвердила. Часто вступав до полемикы з украинофилскыма дѣятелями Украины. Через росход поглядох з громадовцями Санкт-Петербурга, а главно з киевсков «Громадов» (1886) Драгоманову была однята финанчна подпора, и в року 1889 прияв позваня на мѣсто професора катедры общой истории Софийской универзиты (София), а там, и прожив останок свого живота.
Погляды М. Драгоманов остро выступовав против провинчной ограничености и боевого национализма окремых украинскых писателей, поважуючи в основѣ неправилным противоставлѣня украинской литературы русской и литературѣ иншых славянскых народох. Основна тема его публицистикы — бой за право украинского народа на розвой народностной културы. Въедно з тым выступовав против планох одрыва Украины од России, поважовав, же их односины мають ся основати на принципах федерализма, а украинской литературѣ треба заховати звязь зоз руссков.
Брав без пиетета класикох, аж и Шевченка, казав, же слаботина украинского руху в его романтичности и емоцийности. Мав бы ся операти на факты, науку, а политична активность при слабой народностной свѣдомости — лем на шкоду. Коли му его приятель з киевской «Громады» дорѣкав, же не называть себе Украинцьом, як Шевченко, ай лем Малоросом, одповѣв му так: «Позрѣть ся ту, милый мой, найпервше мое правило — через факты не перескаковати. Сам бых любив, обы вшитка земля была Украинов, але што-м годен чинити, кедь она лем до рѣкы Случь? А я за Случьов, та ще й у ненародной сферѣ, Украинцьом быти-м не годен, бо там не Украина. Чим быв бы Шевченко, кебы ему ся трафило быти на моем мѣстѣ, не знам, бо Шевченко не быв на моем мѣстѣ»Моя порада проста: не читай дурниць" - Михайло Драгоманов. В Угорской Руси В роках 1875–1876 навщѣвив Угорску Русь, стрѣчав ся з , редактором новинкы «Карпатъ», и др., и натискав, же мусай хосновати украинскый язык, што гет зачудовало его подкарпатскых собесѣдникох. Кралицкому заганяв русску и украинску литературу, што породило подозрѣня у мадярской полиции. быв шокованый упадком народностного живота Русинох края и вызвав своих младшых еднодумникох змеджи галичанской интелигенции, жебы ишли спомочи Угорску Русь. На его вызву ся одозвали Иван Франко и Володимир Гнатюк.
См. тыж Драгомановка
Жерела и одказы ДРАГОМАНОВ //Большая российская энциклопедия Москва, 2007, Верзия: 2017. Одчитане: 24.05.2021 М. Драгоманов: Автобіографія. — К.:«Криниця», 1917 Пінчук Ю. А.: ДРАГОМАНОВ Михайло Петрович //Енциклопедія історії України: / Редкол.: та ін. НАН України. Інститут історії України. — К.: В-во "Наукова думка", 2004. — Одчитане: 24.05.2021 Иван Поп: Драгоманов Михайло Петрович //Энциклопедия Подкарпатской Руси. — Ужгород: Изд-во В. Падяка, 2001. — 431 с.
Референции
Категория:Етнографы Категория:Педаґоґы Категория:Литературознателе Категория:Історіци