Професор Дезидерий Миллый, Dezider Milly, * 7 август 1906, Кыйов – † 1. септембер 1971, Братислава) — русинскый и словацкый малярь, график и педагог, сполоченскый и културный дѣятель серед Русинох Словакии.Іван Поп
Биография Походив з родины грекокатолицкого духовника.TASRABART По закончѣню гимназии в Левочи (1917–1922) абсолвовав грекокатолицку русинску учительску семинарию в Пряшовѣ (1922–1926), а в роках 1926–1933 выштудовав малярство на Умѣлецко-промысловой школѣ в Празѣ (UPŠ, днесь Высока школа умѣлецко-промыслова, VŠUP) у професорох Йозефа Шуссера и Арношта Гофбауера. По штудиях одслужив военчину и вернув ся до родного края, де учительовав в закладной школѣ в Орловѣ (1935–1943), а в року 1943 перешов до Пряшова, де быв професором креслѣня на учительской семинарии.Іван Красовський
Од року 1946 до конця живота жив и творив в Братиславѣ. Быв педагогом на Педагогичной факултѣ Универзиты Коменского, на Словацкой высшой школѣ техничной (SVŠT, днесь Словацка технична универзита, STU), а од року 1949 професором на Высшой школѣ вытварного умѣня (VŠVU), на катедрѣ общого и пейзажного малярства. В року 1952 быв ректором той инштитуции.
По смерти умѣлця, в року 1983 во Свиднику отворили галерею . В експозиции той галерии указаный вывой людового и фахового вытварництва Русинох и Украинцьох од XV. стороча доднесь, а она творить часть фонду Словацкого народного музея (SNM) – Музея украинской културы (MUK) во Свиднику.
Творба Ещи в часѣ штудий в Празѣ спознав ся з наданыма словацкыма умѣлцями, што ся там учили, з нима створив групу Generácia 1909, котра ся записала до истории вытварного умѣня. В року 1941 навязав тѣсны контакты з умѣлецкым простором Братиславы, быв приятый за члена Сполку словацкых умѣлцьох.
выступовав в розличных техниках: олѣйомальба, акварел, пастел, темпера, комбинованы техникы. Вызнамный подѣл в его творбѣ мать кресба, графика и книжна илустрация.
При пестрости и богатости тем и техник про его творбу суть характерны майстровске указаня сельского челядника з проникнутьом до внуторной чутьовой атмосферы, поетичность и баладичность. Майстер створив свой властный штил, котрый доднесь очаровуе свойов оригиналностьов.
Жерела и одказы
Іван Красовський: Діячі науки і культури Лемківщини. Довідник. Львів: Думка світу, 2000. — 124 с. Доступне на lemko.org Іван Поп: Миллий Дезидерій (Milly Dezider) //,
Референции
Катеґорія:Русиньскы малярї Катеґорія:Русиньскы педаґоґы