Горонда́ ци Ґоронда, Gorond, Goronda — село в Мукачовском районѣ Закарпатской области Украины. Сельска радаГорондівська сільська рада Горондівська сільська рада 89656, Закарпатська обл., Мукачівський р-н, с. Горонда, вул. Духновича, 64, тел. 03131-60621
Полога Село оддалене од Мукачова о , на линии Мукачово–Чоп, мать желѣзничну штацию (Страбичово), сполочну з сосѣдным селом Страбичово, од котрого оддѣлене лем штреков. В околици мать лѣс ай иригачный канал. Оддалѣня од районного центра по автодорозѣ — .Тронько П., с. 432
История Перва упоминка в историчных жерелах датована роком 1550.
В року 1910 в Горондѣ зоз 1626 обывательох были: 1336 Русины, 279 Мадяры. Подля вѣровызнаня были 1435 грекокатолици, 50 реформаты, 99 израелиты.A történelmi Magyarország До Трианона село административно належало ку Мукачовскому округу (Munkácsi járás) жупы Берег.
В року 1930 (чехословацка доба) обывательство села было 2102 особы: 1869 Русины, 109 Евреи, 46 Мадяры, 39 Чехы и Словаци, 39 чужоземцѣ. Православна громада числила 1597 вѣрникох и мала муровану церкву Рождества Пресвятой Богородицѣ з року 1894. Школы были: русинска (7 клас) и чешска (2 класы). В селѣ быв нотарскый уряд и паленчарня.Достал Я., с. 102
25. октобра 1944 Горонда выслободжена од мадярско-нѣмецкых окупантох Червенов армадов, 25 хлопох пошли добровольцями на фронт, и зачала ся совѣтско-украинска доба истории села. В року 1969 в селѣ жили 3462 особы, а за сплынулы 25 рокы той добы были збудованы середня школа, двѣ библиотекы, клуб; обводова болниця, понад 400 бывалных хыж, комбинат бытовых служб и вельо иншых сполоченскых заряджѣнь. За тот час 23 жителѣ села достали высокошколске образованя.
Етимология Назва села праславянского походжѣня: гряда «сухе мѣсто серед болота, плытчина, лѣсиста вышинка». Звязана алтернациов з польского диалектного grąd «лѣсный остров; лѣсиста вышинка».Викисловарь: гряда В мадярском языку апелатив gorond мать вызнам «вышинка, што выставать на 1–2 метры над рѣчнов заплавов».Boros László
Вызнамны родаци Петро Линтур (1909–1969), высокошколскый професор, фолклориста, литературознатель.
Жерела и одказы A történelmi Magyarország atlasza és adattára 1914
Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. .
Тронько П. и др. (ред.) Історія міст і сіл України. Том 7. Закарпатська область. К. 1969. Доступне онлайн
Референции
Катеґорія:Села Україны Катеґорія:Населены пункты Украины Катеґорія:Населены пункты Закарпатской области