Давид Сабов Барцафалви, Barczafalvi Szabó Dávid, *1752, Бодрогкерестур, жупа Земплин – †20. марец 1828, Шарошпоток, жупа Земплин — мадярскый новинарь, писатель и обновитель языка.Magyar életrajzi lexikon 1000–1990
Биография Учив ся в Шарошпотоку, де закончив академичный курз (1770–1783), пак ещи двараз в заграничу, одкы ся вернув в року 1790.Szinnyei József В меджичасѣ редаговав в Пожоню перву мадярскоязычну новинку Magyar Hírmondó (Мадярскый Вѣстник, 1784, 1786).Révai nagy lexikona В року 1792 з габилитачнов роботов Dissertatio inauguralis multiplicibus scientiarum naturalium in omni vita utilitatibus выграв конкурз и достав мѣсто професора физикы и математикы высшой школы в Шарошпотоку, де служив до пензии (1805). Свои предметы преподавав по мадярскы, што было великов новотов, бо дотогды учили лем по латинскы або нѣмецкы. Терминологию придумав сам и выдав книжку. против того выступила и рада церковного округа, котра высловила желаня, жебы професор перестав з неологизациов.
Ещи в часѣ новинарской роботы придумовав новы слова и выдав переклад нѣмецкого романа, язык котрого Ференц Казинци поважовав за пародию на пуризм. Проблема была в тому, же не мав чутя языкового штилу и мадярского словотворѣня, але быв великый мадярскый патриот и хотѣв на кажде понятя мати мадярске слово. Продуковав неологизмы, як фабрика, «на провбу», же най сполоченство рѣшить, котры прийме. Достав немилосердну критику, а з его щедрой продукции лем мизерна часточка зостала доднесь в поужитю.A két Szabó Dávid
Наперек тому, около 50 его новых слов зостали в языку доднесь, напримѣр: belváros, esernyő, mondat, művész, olvasmány (центер мѣста, амбрела, речѣня, умѣлець, чтиво).
Публикации Szigvart klastromi története. Németből fordította Pozsony, 1787. (История монастыря в Сигварѣ. З нѣмецкого. В двох частях. В конци каждой поданый словник неологизмох) Dissertatio inauguralis multiplicibus scientiarum naturalium in omni vita utilitatibus. Pozsony, 1792. (Габилитачна дисертация) A tudományok magyarúl. Pozsony, 1792. (Преподаваня наук по мадярскы)
См. тыж Давид Сабов Баровти
Жерела и одказы Barczafalvi Szabó Dávid //Magyar életrajzi lexikon 1000–1990
Референции
Катеґорія:Мадярскый язык Катеґорія:Мадярскы писателе Катеґорія:Мадярскы новинаре