Водевиль, vaudeville — форма легкой музичной драмы з бесѣдным диалогом, помѣшаным зоз популарныма спѣванками,Encyclopedia Britannica обычайно то легка комедийна едноактовка з анекдотичным парадоксалным сюжетом, динамичныма диалогами, спѣванками-куплетами, танцями.Ю. І. Ковалів
Етимология Термин водевиль, походить од назвы долины рѣкы Вир (vau de Vir) во Франции, де ся в XV. ст. первый раз появив тот вид умѣлецкой театралной творбы, близкой до комедии ситуаций, бытовой драмы, комедии-балету, интермедии, фарсу, буфонады, балагана. Подля иншой верзии, походить од назвы варошскых спѣванок — voix de ville.
История Сперву водевилями называли окремы куплеты з рефреном, якы ся подавали на оживлѣня представлѣнь вандровных театрох, але неодовго ся з того вывинув окремый драматичный жанер. В року 1792 в Парижу отворив ся театер Vaudeville, и тото ся стало зачатком цѣлого шора подобных театрох.
В Споеных Штатах од водевилѣ мали вулгарну, аж и непристойну форму, подавану в корчмах лем про хлопску авдиторию, а в року 1881 в Ню Йорку отворив ся первый достойный театер «чистого вариете», котрый мав нечеканый успѣх, пак до конця стороча таких было уже около 400, справованых ланцами United Booking Office и Orpheum Vaudeville Circuit. Тот жанер заник в часы великой депресии
Жерела и одказы
Референции
Катеґорія:Литературны жанры