Цеглид, Cegléd — варош под Будапештом, центер округа Цеглид жупы Пешт, з обывательстом около 35 тысяч особ.
Полога Лежить в меджирѣчу Дуная и Тисы, оддаленый од Будапешта около на юговыход.
История Перва документована споминка датована роком 1358. Назва походить од едной файты побережной вербы, Salix elaeaglos, котра ту росте, а по старомадярскы ся называть „cegle”, „cigle”, а „d” — то деминутивный суфикс.Kiss Lajos, с. 143 Цеглид подтримав восстаня Дьердя Довжи (1514) и Ференца II. Раковция (1704–1711). В року 1848 мав уже понад 16 000 обывательох. В часѣ войны за независимость, 24. септембра 1848 Лайош Кошшут ту зачав зберати свое войско и до 3 000 набрав в самом Цеглидѣ.
Географичный словник Елека Финьеша (1851) упоминать о Цеглидѣ, як желѣзничной штации на линии Будапешт–Солнок, з поштовым урядом и обширныма уродныма землями и винницями, котры приносять порядне вино. Мѣстечко, mező-város, мало 16934 душы, з того Мадяре 16756, Цигане 118, Нѣмцѣ 46, Товты 8, Талиане 6. Подля вѣры 9772 реформаты, 6509 католици, 522 евангелици, 118 израелиты, 13 незъединеной старой вѣры (православны Волохы?). Обывателе переважно жиють земледѣлством и хоть тяжка их робота, але суть доста заможны.
Вызнамны родаци Иштван Темеркень (1866–1917), писатель, етнограф, музеолог.
Жерела и одказы
Референции
Катеґорія:Населены пункты Мадярьска