Караганда́ — четвертый найвекшый город в Казахстанѣ, центер найвекшой области — Карагандинской.
Етимология Назва походить од корчох "карагана" (Caragana arborescens, Caragana frutex), што буйно ростуть в том теренѣ.Encyclopedia Britannica
Полога Лежить в серединѣ важного Карагандинского угляного ревира. Узел автодорог, желѣзнична штация, меджинародне летиско Сары Арка.Большая российская энциклопедия
История Долованя угля ся зачало в року 1857 в невеликом обсягу про потребу недалекой мѣдяной гуты, было заставлене в рокох, пак зась скоро выростло по року 1931, коли ту пришла желѣзниця, и быв принятый декрет о вывою Карагандинского угляного ревира про засобованя промысла Урала. Караганда достала статус города в року 1934 и стала ся областным центром в року 1936. В року 1939 обывательство уже выростло до 166 000 особ. В Карагандѣ и околици ся широко выуживала примусова робота. В ту быв центер Карагандинского поправчого лагра Карлаг.
Днешность Долованя угля зоставать основным конарьом промысла Караганды, но суть ай великы металургичны комбинаты, цѣментны фабрикы, а тыж потравиновый и иншый легкый промысел. Ку року 1972 концентрация промысла в Карагандѣ привела ку вычерпаню засоб воды в том сухом регионе и потребовала ставбу канала од рѣки Иртыш до Караганды, котрый был отвореный того ж року.
Сучасный город складать ся з окремых давных населеных пунктох, розметаных на великой територии. Старый город в первы рокы выростав хаотично и склав ся зоз вецей як 20 селитв, але Новый город, на юг од него, зачатый в року 1934 (група московскых архитекторох, ведучый ) быв задуманый як културный и административный центер, мать широкы улицѣ, паркы и монументалны будовы. Центер города — район Юго-Восток, выставленый подля генералного плану з року 1971. Караганда — културный, научный и шпортовый центер региона.
Жерела и одказы
Референции
Катеґорія:Населены пункты Казахстана