Джеро́ламо Карда́но, , ; *24. септембер 1501, Павия – †21. септембер 1576, Рим) — талианскый математик, инженер, филозоф, дохтор, звѣздарь.Encyclopedia BritannicaБольшая российская энциклопедия
Образованя достав на универзитах Павии и Падуи (1521–1526). Спочатку ся занимав лем медицинов, але в року 1534 ся став професором математикы в Миланѣ и Болоньи. Роботы Кардана мали великый вызнам про вывой алгебры. Быв меджи первыма в Европѣ, котры зачали хосновати уймовы ай имагинарны корѣнѣ ровниць. З Карданом звязують формулу рѣшѣня кубичной ровницѣ. Быв познатый тыж як инженер: занимав ся теориев ваг, механизмами переданя руху (за ним названый кардановый механизм).
В року 1539 был принятый до Миланской колегии дохторох, а неодовго ся став ей ректором. Его слава яко дохтора ся росширила, и многы коронованы особы Европы кликали го ку собѣ; але он над то цѣнив свою независимость, а не хотѣв быти дворскым дохтором. В року 1543 ся став професором медицины в Павии.
Перед смертьов Кардано завершив свою автобиографию De propria vita (Книга мого живота), з котрой ся мож дознати не лем о его животѣ, але и мати образ того, як ся жило в XVI. сторочу.
Жерела и одказы
Референции
Категория:Математіци Категория:Медици Категория:Инженеры Категория:Філозофы Катеґорія:Італія Катеґорія:Персоналии 16. стороча