Да́вид Ги́лберт, David Hilbert; *23. януар 1862, Кенигсберг, Кральовство Пруссия — †14. фебруар 1943, Геттинген, Третий райх — нѣмецкый математик XX. стороча, котрый зробив значный принос в развой многых сфер математикы.Kaplansky I.Большая российская энциклопедия Член вельох академий наук, як Берлинской, Геттингенской, Лондонского кральовского общества, заграничный честный член Академии наук СССР (1934) ай иншых. В роках 1910–1920, по смерти Анри Пуанкаре, быв вызнаваным свѣтовым лидером математикох.
Биография Научна карьера Гилберта ся зачала на Кенигсбергской универзитѣ, де в року 1885 зыскав ступень доктора филозофии (Ph.D.) и дале там працовав яко приватдоцент (лектор ци преподаватель, 1886–1892), екстраординарий (помочный професор, 1892–1893) и ординарий (професор, 1893–1895). В року 1892 году оженив ся з Кете Йерош (Käthe Jerosch), и мали едного дѣтвака, Франца. Од року 1895 Гилберт — професор математикы Геттингенской универзиты, в котрой зостав до конця живота.
Научна робота Научна чинность Гилберта ся роздѣлять на окремы периоды, коли ся занимав даяков еднов сферов математикы: Рокы Математичны проблемы 1885–1893 теория инвариантох 1893–1898 теория алгебраичных чисел 1898–1902 заклады геометрии 1900–1906 принцип Дирихле, вариачный рахунок, диференциалны ровницѣ 1908–1909 проблема Варинга и теория чисел 1900–1910 интегралны ровницѣ 1910–1922 основы математичной физикы 1922–1939 логичны заклады математикы
Гилберт зредуковав геометрию на ряд аксиом и дале усиловав ся выпрацовати формалистичны основы математикы.
Од року 1922 працовав подля едного обсяжного плана обоснованя вшиткой математикы через ей повну формализацию. В сполуавторствѣ з нѣмецкым математиком выдав два томы Закладох математикы, в котрых тоту концепцию подробно вывинув (1934 и 1939). Але его зачаточны надѣи в той сферѣ ся не справдили: створити непротиворечивы формализованы математичны теории указало ся тяжше, як он тото гадав.
Великой славы достав его реферат Проблемы математикы, з котрым выступив в року 1900 на Меджинародном математичном конгресѣ в Парижу. В том рефератѣ сформуловав 23 математичны проблемы, котры, подля него, будуть мати велику вагу про математику XX. стороча. Одтогды многы проблемы были рѣшены, и кажде рѣшѣня было значнов подѣов.
Жерела и одказы
Референции
Катеґорія:Математіци