Кленова (по ) — село на Словеньску в окресѣ Снина Пряшовского краю в традичном регионѣ Горный Земплин.
Полога Село лежить в долинѣ потока Ублянка о 5 км од украинской границѣ. Найвысша точка в готарѣ села — гора Голиця, 390 м.н.м. Сосѣдны села суть на югу Ладомиров, Михайлов, Убля; на западѣ Колониця; на сѣверѣ Кална Розтока; на востоку Руська Волова и Березовець.https://www.freemap.sk/#map=12/48.951141/22.346535&layers=X&osm-relation=2324027 Freemap
История Кленову заложив шолтис на валашском правѣ десь на переломѣ 15. a 16. стороча на маетку гуменского панства. Землепанами тогды были Другеты. Найстарша документована упоминка походить з року 1548. Десь перед роком 1604 в селѣ поставили деревляну православну церьков. В року 1600 в селѣ было 40 подданскых хыж, една-двѣ хыжы шолтисох, фара и церьков. Натогды то было велике село, але по часѣ подданых убывало. В року 1720 там газдовали 17 подданскых газдовств, а село мало ай водяный млин. Пак село зачало выразно рости, а в року 1828 было уже 97 хыж a 732 обывателе. Мурована православна церьков поставлена в року 1805.Сайт села http://www.obecklenova.sk Анна Ковачова
Обывательство Кленова — типове русинске село сѣверовостока Словакии. З увагы на религию ту переважать православне набоженство, але суть и грекокатоликы. Подля списованя 2001 то вызерало так: православны – 79,07% грекокатоликы – 18,13% римокатоликы – 1,5% Не повѣли – 0,56%
Зложеня обывательства подля народности (2011 р.)Народностне зложіня обывательства подля списованя людей з 2011 р. (по словеньскы). Штатістічный уряд Словеньской републікы. Одказ перевіреный 2020-10-24.: Русины - 233 (44,6%) Словаци - 263 (50,4%) Украинцѣ - 9 Русы - 2 Чехы - 1 Иншы - 1 Нестановлены - 13 (2,5%)
Русиньскый язык за материньскый означили 388 жытельох (74,3% обывательства).Материньскый язык обывательства подля списованя людей з 2011 р. (по словеньскы). Штатістічный уряд Словеньской републікы. Одказ перевіреный 2020-10-24.
Вызнамны родаци Михал Штеньо (*1931), дохтор-ортопед, голова Здружѣня интелигенции Русинох Словакии
Жерела
Референции