Вилмош Ковач, Kovács Vilmos; *5. юн 1927, Гать, Подкарпатска Русь, Чехословакия – †13. новембер 1977, Будапешт, Мадярщина — подкарпатскый мадярскый поет и писатель, еден з найвызнамнѣйшых меджи Мадярами Украины.І. В. Хланта (2007)І. В. Хланта (2013)
Биография Походив з родины Емила Ковача, тесаря и мурника, члена КПЧ. Его мати, Борбала Ковач, родж. Качов, Kacsó, умерла на туберкулозу, коли мав девять рокы (1936), а в року 1945 умер му ай отець. Зачаточну школу Вилмош выходив в родном селѣ (1933–1938), пак продовжив школный курз в Береговѣ (1938–1939) и закончив мукачовску торговелну академию (1939–1945). По закончѣню працовав книговодом Береговской заготконторы (1945–1947), в року 1948 — секретарь сельской рады в родном селѣ, од року 1949 — книговод, пак ведучый книговод Мукачовской городской даньовой службы. В року 1952 закончив вечерну украинску середню школу, а пак екстерно абсолвовав Львовскый финанчно-економичный инштитут (1952–1957). В року 1955, зоставаючи в статусѣ радника даньовой службы, ставать ся сполупрацьовником районной новинкы «Прапор Перемоги» и ведучым литературной групы при новинцѣ. В роках 1958–1971 редактор мадярской секции областного выдавательства «Карпати». Попри тому в роках 1966–1969 абсолвовав в Ужгородѣ универзиту марксизма, де зыскав диплому з одзнаков.Botlik JózsefKovács Vilmos (1927–1977)
Од року 1961 — член Сполку писательох Украины.
Его роман Holnap is élűnk (И завтра будеме жити, 1965), появленый в добѣ помягку, выволав остры споры и гнѣв влады, а неодовго быв конфишкованый з библиотек и продажу. Его перестали выдавати, з великым трудом появлена в року 1968 поетична зберька стала ся его послѣдньов. В року 1971 мусѣв лишити роботу во выдавательствѣ и занимав ся лингвистико-историчныма згледованями. Родина жила на платню его жены, котра была учительков мадярской школы в Ужгородѣ, и на его нечасты гонорары од заграничных публикаций. Его здоровя ся показило, и од року 1974 просив ся одыйти до Мадярщины лѣчити ся. Наколи в року 1977 так стало ся, хворота ся розмогла, и неодовго по прибытю до Будапешту умер, маючи лем пятьдесять рокы. Тото вшитко приспѣло ку тому, же и его творба стали ся симболичныма.
Творба Дебутовав в року 1955 яко поет, писав по мадярскы. Поетичны зберькы (вшиткы — Ужгород) Vallani kell (Не мож мовчати, 1957), Tavaszi viharok (Ярны бурѣ, 1959), Lázas a főld (Земля в неспокою, 1962), Csillagfénynél (При свѣтлѣ звѣзд, 1968). Проза Holnap is élűnk (И завтра будеме жити, Ужгород, 1965; Дебрецен и Ужгород, 1990)
Писав тыж повѣданя, робив переклады з русской литературы. В року 1963 московске выдавательство «Советский писатель» выпустило зберьку поезий «Весенняя буря» в товмачѣню по русскы.
Роман о морално-етичных гледанях интелигенции Holnap is élűnk (И завтра будеме жити) мав великый резонанс, автор быв обвиненый з перекрученого зображѣня реалностей живота повоенного Закарпатя.Kenyeres Ágnes
Жерела и одказы
І. В. Хланта (2007): Ковач Вілмош Емілович // С. 165
Референции
Катеґорія:Мадярскы писателе Катеґорія:Мадярскы поеты