Александровка, Ósándorfalva, Šandrovo, Олександрівка — село в Хустском районѣ Закарпатской области Украины,Тронько П. и др. (ред.), с. 742.Достал Я., с. 286 котре од основаня до року 1946 называло ся Шандрово.

История Перва документована споминка о селѣ под назвов Sándorfalva датована роком 1455.Sebestyén Zsolt, сс. 122–123Професор С. Федака подавать датум 1390, але без зазначѣня жерела.

В року 1910 в селѣ заевидованы 1285 обывателе, з котрых были 897 Русины, 383 Нѣмцѣ, 4 Мадяре. Подля вѣры 902 грекокатолици, 382 израелиты. До Трианона село належало ку Хустскому округу (Huszti járás) жупы Мараморош.A történelmi Magyarország

В року 1930 зоз 1466 обывательох села 1070 были Русины, 393 — Евреи, 2 — Чехы и Словаци, 1 — чужоземець. Православна громада числила 906 особ. В селѣ были школы: русинска (4 класы) и чешска (2 класы).

Интересны факты Од XVIII. стороча знали, же село лежить на соляном найдищу, а охаблены ямы-копалнѣ свѣдчать, же ай пробовали добывати. Ещи ай при Чехах в селѣ быв 15 м глубокый ропляный колодязь (захранив ся доднесь), з котрого люде з околичных 60 сел куповали собѣ густу соляну ропу, за 1 гелер литер, а з 300-литрового гордова по выпарьованю зоставало 50 кила соли, котру хосновали на кухни.

Вызнамны родаци Дмитрий Лазар (*1922–†1991), подкарпатскый русскоязычный поет.

Памяткы

Храм св. Параскевы походить з 15. ст. (нижны брусы зрубох), а основна часть церьковли з року 1753 (поз. фото). В гармоничному ансамблу з храмом поставлена двоярусна звонниця.

Оба объекты суть храненыма памятками под охранным числом 070044/1 (церьков) и 070044/2 (звонниця).

Ставба готична, двозрубна, тридѣлна, з видимым нахылом стѣн удну. Вежа з четырьма фиалами коло основы шпиля поставлена над западным зрубом. На фасадѣ обѣ ставбы мають торнац. В храмѣ зберегли ся настѣнны розписы з 18. ст.

Жерела и одказы A történelmi Magyarország atlasza és adattára 1914 Доступно онлайн Sebestyén Zsolt: Máramaros megye helységneveinek etimológiai szótára. Bessenyei könyvkiadó. Nyíregyháza, 2012. Ярослав Достал: Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. Тронько П. и др. (ред.): Історія міст і сіл України. Том 7. Закарпатська область. К. 1969.

Референции

Катеґорія:Села Україны Катеґорія:Населены пункты Украины Катеґорія:Населены пункты Закарпатской области