Лизйо, Lisieux, — варошска комунита в департаментѣ Калвадос административного региона Нормандия на сѣверозападѣ Франции.
Лизйо став ся свѣтовым одпустовым мѣстом, куды паломници приходять ся поклонити Святой Терезѣ, кармелитанской монашцѣ, котра умерла там в року 1897 и была канонизована в року 1925. Лизйо быв тыж славный своима середновѣкыма памятниками готичной и ренесансной архитектуры, покля их не знищили бомбардованя в року 1944 в часѣ Другой свѣтовой войны.Encyclopedia Britannica
История В римской добѣ варош ся называв Noviomagus Lexoviorum. Ту быв епископский престол од VI. стороча по XVIII. стороча. Ту найшов собѣ прибѣжище архиепископ Кентерберийскый Томас Бекет, выгнаный кральом Генриком II. Лизйо, забраный од Англичан и припоеный ку Франции в року 1203, быв частым предметом спорох в току Сторочной войны (1337–1453), ай ещи и позднѣйше.
Газдовство В минулости Лизйо быв центром продукции скоряной и вовняной. В днешной добѣ ту суть фабрикы на електронну продукцию, выробкы з дерева, фармацевтичны препараты и поживову продукцию. Важным сектором суть сервисны службы.
Жерела и одказы
Референции
Катеґорія:Населены пункты Франции