Степан Добош, Степан Васильович Добош, *8. децембер 1912, Обава, Угорска Русь, Мадярске кральовство, (днесь Украина) – †23. фебруар 1978, Пряшов, Чехословакия — педагог, литературознатель, первый ректор Ужгородской универзиты.Paul Robert MagocsiКостянтин КуцовП. С. Пеняк, М. І. ЗимомряХланта І. В.
Биография Скончив русску гимназию в Мукачовѣ (1923–1931), де под вплывом професорох, русскых емигрантох, став ся твердым русофилом, поважуючым себе и вшиткых подкарпатскых Русинох конарьом великорусского народа. Абсолвовав филозофску факулту Карловой универзиты в Празѣ (1932–1937), де штудовав русску историю, язык и литературу. Працовав професором гимназии в Береговѣ (1937–1938), в Мукачовѣ (1939–1945). В часѣ войны написав «Исторію подкарпаторуськой литературы», (Мукачово, 1942), в котрой наголошовав ей самостойность, одлику од русской и украинской литератур. При основаню Ужгородской универзиты в октобрѣ 1945 став ся ей первым ректором. Пробовав зобрати там подкарпатску интелигенцию, але то не одповѣдало планам комунистичной влады СССР: его традичне подкарпатске русофилство протиречило комунистичной украинизации края. Еще перед зачатком выукового рока было му предложено, жебы ся того поста лишив, на што он мудро и пристав. В року 1946 выхосновавши факт, же его супруга была гражданка ЧСР, емигровав до Чехословакии. Быв професором русской гимназии в Пряшовѣ (1946–1949), Липтовском Микулашу (1949–1951), Медицинском инштитутѣ в Кошицях (1951–1952), в пряшовской Высшой педагогичной школѣ (1954–1959), около двадцять рокы ведучым катедры русского языка и литературы Универзиты П. Й. Шафарика в Пряшовѣ (1959–1977), продекан (1969–1972), доцент (19б1). В добѣ украинизации Добош зостав при свойой русской ориентации. По русскы написав перву академичну биографию А. И. Добрянского (Адольф Иванович Добрянский: Очерк жизни и деятельности, 1956), а тыж монографию о творчости Ю. Ставровского-Полрадова (Юлий Иванович Ставровский-Попрадов: Очерк жизни и творчества, 1975).
Основны публикации Меджи основныма публикациями Степана Добоша суть згледованя: До автобіографії О.В.Духновича (1963) Русские книги в городе Пряшев (1965) Проблематика будителів та учительства в українській літературі Східної Словаччини (1967) О некоторых изобразительно-выразительных средствах а поэзии Ставровского-Попрадова (1967) Мотивы А. С. Пушкина в творчестве Ставровского-Попрадова (1968) Слово про письменника-лірика (1970) монографии: А. И. Добрянский: Очерк жизни и деятельности, 1956 Ю. И. Ставровский-Попрадов: Очерк жизни и творчества, 1975
Жерела и одказы
Хланта І. В. Добош Степан Васильович //, С.117
Референции
Катеґорія:Педаґоґы