Верхное Водяное, (укр.) Верхнє Водяне, (мад.) Felsőapsa, (рум.) Apșa de Sus - село в Раховском районі, Закарпатской области, Україны.
Ґеоґрафія Село положене в выходной части Закарпатской области, на межи Раховского тай Тячовского районув, о 5 кілометрув уд Румуньска.
Сусідні села вадь міста: Середное Водяное, Великый Бычков, Водиця.
Село іщы має два присілка такі як: Стримба тай Ріка.
Верхное Водяное положене в долині гор Кичира тай Чова. Тиж течут 3 ріки, як Апшиця, Тёвшаг тай Стримба.
История Перша споминка о селови як Superior Apcha датована роком 1406 .
За давныма переказованями, село умерало дакулко разу. Послідоє заселеня было по року 1700. Од того часу до року 1950, было заказано завозити покойника, котрый умер за межами села. Сесь закон быв не писаным, лем устным, але нигда ся не нарушовав жителями села.https://www.facebook.com/photo/?fbid=170486831447980&set=pb.100054599922603.-2207520000.
В року 1783, Верхное Водяное водныма потоками ся дїлило на 3 зоны бываня. В урочищу Секетура было 32 хыжи, в урочищу Маґуріча - Дєря 48 хыж, Стара улиця - Циклу 32 хыжи. Ушытко было 112 хыж.https://www.facebook.com/photo/?fbid=183912573438739&set=pb.100054599922603.-2207520000.
Першый сільськый уряд быв року 1860 пуд будовою №193, котра ся хосновала до року 1948. Пак уд року 1948 до 1991 сільськый уряд хосновав будову №1 по улици Яблочкіна. По розпаду СССР року 1991 сільськый уряд быв перенесений до нової будови, по улици Леніна №10.https://www.facebook.com/photo/?fbid=209772087519454&set=pb.100054599922603.-2207520000.
За послїдным списованьом обывательства Австро-Угорьска в року 1910 в селї были 4704 особы, з них 3594 Русины, 1027 Німці, 50 Мадяре. 3646 грекокатоликы, 1029 юдеї.A történelmi Magyarország
Пак в року 1919, село тай ціла Карпатьска Русь по Сен-Жерменскому договору перешла до Чеськословеньска. А село достало назву (чеськ.) Vyšní Apša.
Пак по 19 роках добы Чеськословеньска, село было накурто в автономиї Карпатьской Україны. Айбо уд марца року 1939, Верхное Водяное вернулося пуд владу Мадярского кралёвства, тай село зачало хосновати стару назву (мад.) Felsőapsa.
В року 1944, село лишили Мадяре, тай прийшла Червена армада. В року 1946 село тай Закарпатска Украина перейшли к СССР, в состав УССР. В тому же рокови, указом влады УССР село Верхня Апша переименованое на Верхнє Водяне.
За переписом населения України за рок 2001 в селі жиє 5272 жителю.
Жерела и одказы A történelmi Magyarország atlasza és adattára 1914 Доступне онлайн Sebestyén Zsolt: Máramaros megye helységneveinek etimológiai szótára. Bessenyei könyvkiadó. Nyíregyháza, 2012. Доступне онлайн Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. Доступне онлайн Тронько П. и др. (ред.) Історія міст і сіл України. Том 7. Закарпатська область. К. 1969. Доступне онлайн
Референції
Категория:Населены пункты Украины Категория:Населены пункты Закарпатской области