Ива́н Ива́нович Туряни́ця, Іва́н Іва́нович Туряни́ця; *25. май 1901, Ряпидь, Жупа Берег, Мадярске кральовство (днесь Быстриця, Мукачовскый район Закарпатской области Украины) – †27. марец 1955, Ужгород, Украинска ССР — совѣтскый партийный и штатный дѣятель; первый секретарь Комунистичной партии Закарпатской Украины (днесь Закарпатска область Украины).Справочник по истории Коммунистической партии и Советского Союза 1898–1991Маґочій, Павло-Роберт
Биография Походжѣня Походив з родины желѣзничаря. Учив ся в народной школѣ, пак зачавши од 14 рокы быв майстерчуком у замочника, роботником на фиресѣ, коминарьом, ковачиком. В року 1917 мобилизованый до австро-мадярского войска, де служив вояком до конця войны. По войнѣ — коминарь в Мукачовѣ.Довганич О. Д.Сергій Федака В медживойню В року 1919 (Мадярска Людова Република (1918-1919), Мадярска Совѣтска Република) — вояк Руськой дивизии Мадярской Червеной армады. За тото по поражцѣ мадярской револуции и приходѣ Чехох быв арештованый и вышорованый до концентраку в Пряшов. Выпущеный в децембрѣ того ж року, працовав яко роботник на ставбах и коминарь. В октобрѣ року 1924 поволаный до чешского войска, демобилизованый в року 1925 и того ж року вступив до Комунистичной партии Чехословакии, од року 1926 — член окружного комитету КПЧ и предсѣдник роботницкого здружѣня мукачовскых ставбарьох. В роках 1928–1929 секретарь мукачовского комитету КПЧ. В року 1929 ещи раз трафив до арешту. В фебруарѣ 1930 став на челѣ ужгородского окружного комитету КПЧ. Од партии быв посланый до СССР, де яко партийный функционер достав выуку в Харьковском комунистичном инштитутѣ журналистикы (1930–1933). В роках 1933–1939 быв секретарьом Подкарпатской крайовой рады Червеных професийных здружѣнь, организатором штрайкох и протестох, в року 1936 знова перебывав в арештѣ.Ivan Pop На емиграции В марцу 1939, у переддень мадярской окупации края, через Румынию емигровав до СССР, де достав статус политичного емигранта, членство в Меджинародной организации помочи бойовникам револуции (МОПР) и быв на лѣченю в санаторию ЦК МОПР в селѣ Опалиха Московской области (1939–1940). В роках 1940–1941 быв плановач-економиста на локомотивной фабрицѣ имени Октобровой Револуции во Ворошиловградѣ, в роках 1941–1943 на росполаганю Народного комисариата обороны СССР. В року 1943 представляв Подкарпатску Русь во Всеславянском антифашистичном комитетѣ в Москвѣ и быв членом Рады той организации. В роках 1943–1944 комисарь (офицер политичной едукации) Третьой окремой бригады Чехословацкого армадного корпуса, участник Дуклянской операции. Закладательом Закарпатской Украины В октобрѣ 1944, подля догварькы совѣтсых верхностей з генералом Лудвиком Свободом, велительом Чехословацкого армадного корпуса, Иван Туряниця быв одрядженый за члена Чехословацкой администрации Подкарпатской Руси, котрой шефом быв Франтишек Ньемец.
И. Туряниця спочатку подтримовав идею належности Подкарпатской Руси ку обновленой Чехословакии, але неодовго зачав пропаговати «возъединѣня» зоз Совѣтсков Украинов.
31. октобра 1944 Туряниця организовав первы легалны за вельо рокы зборы комунистох Мукачова и створив-обновив на них городску партийну организацию, котрой став на челѣ. За немногы дны скликав Комунистичной партии Закарпатской Украины, котра ся одбыла 19. новембра, и быв выбраный за первого секретаря партии. 26. новембра 1944 выступив на Народных комитетох Закарпатской Украины з головным рапортом, в котром обгрунтовав доцѣльность и необходность приеднаня ку УССР. Став на челѣ выбраной на зъѣздѣ Народной Рады Закарпатской Украины. До 27. януара 1948 быв на челѣ Закарпатского обкома КП(б)У.
На том найвысшом урядѣ, подля совѣтской политикы, не мог быти незмѣнный, але и надале повнив вельо важных функций в штатном и партийном апаратѣ: посланець Найвысшой Рады СССР (1946) и УССР (1947), член ЦК КПУ (1946–1954), голова Закарпатской рады людовых посланцьох (1946–1948) и др. За заслугы у приеднаню Подкарпатской Руси ку СССР быв погребеный в Ужгородѣ на «Грунку Славы» теметова Калвария, мемориалном погребищу совѣтскых воякох, котры упали в бою за выслободжѣня краю в року 1944.
Жерела и одказы
Довганич О. Д.: Туряниця Іван Іванович // , с. 331
Справочник по истории Коммунистической партии и Советского Союза 1898–1991
Референции
Катеґорія:УССР Катеґорія:Комунизм Катеґорія:Політічны лідеры