Леонардо да Винчи, повне имя Леонардо ди сер Пьеро да Винчи, (што означать: Леонардо, сын пана Пьера з мѣстечка Винчи); * 15. апрѣля 1452, Анкьяно при Винчи – † 2. мая 1519, каштель Кло Люсе д'Амбуаз (Clos Lucé d'Amboise) — многосторонна ренесанчна особа, свѣтознаный италийскый малярь, скулптор, архитект, натуралиста, музикант, вынаходник и конштруктер.
Творба Звластный погляд на творбуЛеонардо да Винчи явив образ творця, одповѣдного гуманистичным идеалам добы Высокой Ренесанции. Злучовав во собѣ умѣлецкый талант и обширны научны познаня. Не лишив по собѣ вельо малярскых робот прото, бо приступав ку творбѣ яко ученый, выгледователь, позерав на малярство як на науку и породжѣня природы. В «Трактатѣ о малярствѣ» (1498) выступив яко умѣлствознатель, теоретик умѣня, поважовав за нутне штудировати линѣйну и воздушну перспективу, анатомию и иншы стороны малярства. Дударев С.Л., сс. 86–87.
Найзнамѣйше малярске дѣлоЕго мотто было: «Знай видѣти!» Наперек тому, же не быв плодовитый малярь, створив найвызнамнѣйшый портрет в истории свѣтового малярства — портрет Моны Лизы («Джоконда»), супругы флорентийского торговця Франческо да Джокондо (1503-1506).
Гипотезы, инженерны проекты, вынаходы Леонардо высловив догадку, же Земля не е центром Вселеной, а е лем едно зоз вельох небесных тѣлес. Ему належать многочислены объявлѣня, проекты и выгледованя, намного предстигнувшы его епоху проекты: иригачны системы, металургичны пецы, вальцовны строи, землерыйны машины, подводный човен, танк, лѣтаючый апарат и парашут.
Жерела и одказы Дударев С.Л.: Словарь-справочник по истории средних веков и раннего нового времени (термины, названия, персоналии) — Армавир: Армавирская государственная педагогическая академия; Ставрополь: изд-во «Графа», 2010. — 176 с. M. Jourdain, Leonardo Da Vinci., The Monist, Volume 30, Issue 2, 1 April 1920, Pages 281–291,
Референции
Катеґорія:Скулпторы Катеґорія:Архитекторы Катеґорія:Вынаходници Катеґорія:Італія Катеґорія:Таліяньска ренесанція