Уппсала, Uppsala — административный центер края Уппсала, комуниты Уппсала ай историчной провинции той истой назвы в Шведском Кральовствѣ.Трёшников А.Ф., с. 504.
Подля обывательства Уппсала — четвертый найвекшый город шведского штату.
Полога Лежить в оддалѣню 64 км на сѣвер-сѣверозапад од Штокголма.Encyclopedia Britannica
История
Город познатый од XII. стороча под старшов назвов Östra Aros. В року 1164 став ся сѣдлом архиепископской столицѣ, котра ту зоставать ай доднесь.Демидова Е. Е. и др. В року 1435 высвячена готична катедрала, доминанта города.
Катедрала ся стала традичным мѣстом корунации (до року 1719 дванадцять корунаций) и погребу шведскых монархох. В року 1593 ту дефинитивно выголошене лутеранство Аугсбургского вызнаня за повинне про вшитку Швецию.
В року 1477 основана Уппсалска универзита, найстарша в Швеции, а при ней ся зобрала една з найвекшых универзитных библиотек, Carolina Rediviva (1841). Окремым предметом историчного интереса суть ботанична заграда и дом ботаника и природника Карла Линнея.
Од року 1860, коли ту пришла желѣзниця, Уппсала динамично ся вывинула з аграрно-торгового ай универзитного центра на индустриалный.
Газдовство Традичныма конарями промысла суть машинарскый, полиграфичный и фармацевтичный. В новшой добѣ Уппсала ся стала едным зоз свѣтовых центрох медицинскых ай биологичных технологий (130 компаний).
Вызнамны родаци Андерс Целзиус (1701–1744), астроном, физик и математик, автор целзиовой ступницѣ; Ингмар Бергман (1918–2007), режисер.
Жерела и одказы
Трёшников А. Ф. Географический энциклопедический словарь: Географические названия. /Гл. ред. А. Ф. Трёшников. — 2-е изд., доп. — М.: Сов. энциклопедия, 1989.— 592 с. .
Референции
Катеґорія:Населены пункты Швеции Катеґорія:Міста Европы