Людовит Гараксим, Ľudovít Haraksim; *1. август 1928, Ужгород, Чехословакия (днесь Украина) – †18. новембер 2008, Братислава, Словакия — словацкый историк русинского походжѣня.Paul Robert MagocsiМ. І. Мушинка, М. Я. Неврлий
Походжѣня Гараксимовы походять з русинского села Вышна Яблонка Пряшовского краю. Отець Людовита по прилучѣню Подкарпатской Руси, працовав в Ужгородѣ на выставбѣ желѣзницѣ, а ту ся стрѣтив зоз своев будучов женов, Словачков. Ту ся им уродив Людовит, ту в року 1946 закончив гимназию, а пак родина оптовала до Чехословакии.
Научны погляды На филозофичной факултѣ Универзиты Коменского в Братиславѣ выштудовав историю и русскый язык (1947–1951), пак в року 1953 склав докторат филозофии, а в року 1960 зоз дизертациев о словацко-украинскых историчных односинах XVII – XVIII. ст. зыскав ступень кандидата историчных наук. До року 1956 быв асистентом катедры истории той универзиты, пак наступно научным сполупрацовником Инштитуту истории Словацкой академии наук (САН).
Уже яко молодый 28-рочный ученый на меджинародной научной конференции в Пряшовѣ, ку 100-рочу уродин Духновича (1956), котру организовав КСУТ, выступив против тверджѣня совѣтской делегации марксистичных историкох, же Закарпатска область и Выходна Словакия в минулости належали «Киевской Руси». Тото в добѣ твердой украинизации быв барз одважный чин. В року 1970 зачали ся политичны «чисткы», а му тогды припомянули ай то, же «з немарксистичных позиций писав о револучных роках 1848–1849, а не схвальовав военску интервенцию 21. августа 1968». Быв вышмареный зоз САН, а заказали му вшиткы публикации. Ещи мав щастя, же достав роботу архиваря в Словацком народном музею, але и там на вшиткых каталогах выстав и музейных публикациях, котры приготовляв, не смѣло ся указати його имя. Аж по падѣ комунистичного режима в року 1989 годен быв ся вернути ку официалной роботѣ яко историк.
В тых роках быв важеный яко найлѣпшый експерт на историю Русинох, а быв активным членом Матицѣ словацкой, подпредсѣдником Словацкого историчного сполку, членом рады влады про народности, членом колегии министра културы и членом Словацкого гелсинкского комитету.
На своих высокых постах при владѣ выступовав за националне вызнаня Русинох.
Основны публикации Подано подля ЕСУ. Треба тыж мати огляд на то, же до рока 1990 в научных публикациях мусай было Русинох назвати Украинцями. Z dejín Ukrajincov na východnom Slovensku. Martin, 1957; Hnutie Ukrajincov Zakarpatska a východného Slovenska a myšlienka slovanskej vzájomnosti // Historický časopis. 1960; K sociálnym a kultúrnym dejinám Ukrajincov na východnom Slovensku do roku 1867. Bratislava, 1961; P. J. Šafárik a Ukrajinci, Slovanské štúdie VI. Bratislava, 1963; K problematike obrodenia Ukrajincov východného Slovenska a Zakarpatská // Олександр Духнович. Пряшів, 1965; Die Rusinen und der Ausgleich // Der österreichicsh-ungaricshe Ausgleich 1867. Bratislava, 1971; «Zlatý vek» biskupa A. Bačynského a obrodenské obdobie A. Duchnovyča – dve epochy dejín Rusínov // Slovensko-rusínsko-ukrajinské vzťahy od obrodenia po súčasnosť. Bratislava, 1992; Obrodenie Rusínov // Rusíni. Otázky dejín a kultúry. Prešov, 1994.
Жерела и одказы
Референции
Катеґорія:Русиньскы історіци