Теракт в «Крокус Сіті Холл» — масовоє стріляня и выбухы, котрі стали ся 22. марца 2024 року около 20:00 по МСК в концертному залі «Крокус Сіті Холл» в Красногорськови. Не май мало чим пять нападаючых зачали стріляти по перебываючым в будові, в резултаті чого вмерли як мінімум 145 чоловік (из них шість дїтий) тай булше 551 достали раненя. Так само в час теракта была пудпалена будова зала. Прозвучали два выбуха.
МІД Росії назвало ставшоє ся терактом. Одповідалнусть за ставшоє ся взяло на себе Вілаят Хорасан (афганскоє оддїленя межинародної терористичеської організації Ісламська держава). Точноє число терористу, котрі участвовали в нападі, офіціально не называют, но, по предпущеным даным, їх годно быти дись пять вадь булше. Сообщают про задержаня 12 чоловік в Росії, в тому числови чотыри предположені исповнителі. По сообщеням МВД РФ, всї четверо — іностранці.
Одкликованя