Шіболе́т (, „колос“, май рідко „струя“) — біблійна фраза, у переносному смыслі хоснує ся для означеня характерної языкової особеності, яка дозволяє ідентифікувати ґрупу людий (изокрема, етнічну); свояка „языкова парола“, за якыв мож розпознати, што язык, якым говорит чоловік, є для нього нерудным.
Сись біблеїзм став лінґвістичным терміном у семіотиці, ґруповов паролов в інформаційных технологіях и тому подобноє. Американськый економіст Пол Семюельсон (1915—2009), лавреат Нобелівської премії з економікы (1970), у своїх роботах хосновав термін „шіболет“ на значеня ідеї, для якої „средство робит ся метов, а буква закона домінує над духом закона“.
Шіболеты у світовуй історії У часы Другої Світової Войны нідерландцї хосновали назывку вароша Схевенінґен (Scheveningen) бо вни, на розлику од нїмцюв, комбінацію буквув ‹sch› читавут ги [сх], а не [ш].
Американцї на тихоокеанському фронтови хосновали слово „lollapalooza“, бо японцї часто [л] уговорювут ги [р].
На Восточному Фронтї радянські катуны одрузняли нїмецькых розвідникув за словом „дорога“ (дароґа) — нїмцї сесе слово выговорьовали приблизно як „тарока“.
У часы російської інвазії на Україну в 2022. годї языковов паролов для українцюв стало слово „паляниця“. Чилядь, котра навыкла ид російськуй фонетицї (де не є мняткого [ц'], буква ‹и› мнягчит спередущый приголосный, а фонемы /о/ тай /а/ у ненаголошенуй позиції ся не розрузнявут), выговорює сесе слово приблизно ги „полянїца/палянїца“.
Одкликованя