Джованні Пєрлуїджі да Палестріна (, в латинізовануй формі — ; стрічат ся ще имня «Джаннетто» — Giannetto; 17. децембра 1525. вадь 1526., Палестріна вадь Рим — 2. фебруара 1594., Рим) — італьянськый композитор, єдин из май великых поліфоністу епохы Ренесанса. Май значный представник Римської школы музикы.
В 1544—51. годах быв орґоністом и капельмейстером в соборови вароша Палестріна. З 1551. пуд папськым заступництвом робив у Римови в базиліцї Санта-Марія-Маджоре, май тош и в Сикстинськуй капелї. Палестріна написав булше 100 мес, дись 180 мотету, гімны, магніфікаты, духовні и світські мадригалы.
В його музицї рувновага поліфонічных и гармонічных закономірностий, в нюй спокуйный, медитаційный характер. Драматизм, контрасты Палестріна в свойому умільстві избігає. Палестріна робив понятну поліфонічну музику, йому то получало ся из за одкрытя гармонічных способу вокальної поліфонії.
Удкликованя