Шідзуо́ка (яп. 静岡県; Шідзуока-кен, японськоє уговоріня: [ɕi.(d)zɯꜜ.o.ka, ɕi.(d)zɯ.o.kaꜜ.keɴ]Научно-изслідоватильськый институт телерадіёвіщаня NHK, ред. (24. мая 2016. року). NHK 日本語発音アクセント新辞典(на японському языкови). Выдатильство NHK.) — кен, находит ся в реґіонови Чубу на острові Хоншю, Японія. Адміністративный центр — варош Шідзуока. Площадь кена 7780,50 км², обывательство — 3 699 527 чоловік (1. авґуста 2014), густота обывательства — 475,49 чол./км².
Ґеоґрафія
Префектура на западї граничит из префектуров Аїчі, на сїверо-западї — префектуров Наґано, а на сїверо-востоцї из префектуров Канаґава. Шізуока омыває ся водами Тихого океана в заливови Суруґа. На западови префектура переходит Японські Альпы, а дале на сїверї находит ся гора Фуджі, а май на восток — пувостров Ізу.
Історія Префектура раз была роздїлена на провінцію Тотомі, провінцію Суруґа и провінцію Ізу. Выразным фактом префектуры є то, што она є отцюзнинов первого шогуна Токуґава. Провінція была пуд властьов Токуґава Іеясу, докить ун не завойовав території клана Годжо в реґіонови Канто. Пусля сього ун прикапчав ся ид Ода Нобунаґе и передав території пуд його управляня. Пусля того як ун став шоґуном, Токуґава вернув землї своюй родині.
Символіка
Емблема префектуры была оглашена 6. авґуста 1968. года, а прапор — 26. авґуста. Синьый цвіт прапора означає Тихый океан, што символізує розвиваня и успішность префектуры.
Косичков префектуры была выбрана 21. септембра 1965. года азалія, деревом — османтус душистый (27. децембра 1966), а птицьов — чорна райська мухоловка (2. октовбра 1964).
Удкликованя