Серґей Ско́рвід Сергей Сергеевич Скорвид (24. януара 1958, Москва, СССР — 20. марта 2025, Прага, Чехія) — російськый лінґвіста и перекладатель.
Біоґрафія У 1980. році докунчив удділеня славістикы філолоґічного факултета Московського державного університета. У 1983. році докунчив аспірантуру на кафедрі славянської філолоґії МДУ. У 1990. році вборонив кандидатську дисертацію за синтаксис давньочеського языка.
Учив на кафедрі славянської філолоґії МДУ уд 1983. року. У 1994–1999. роках, а пак уд 2007. року учив у Російськум державнум гуманітарнум університеті. У 2016. році дустав званя доцента. У 2022. році пушов из Москвы до Прагы, де робив у Карловум університеті, в Університеті Палацького в Оломовцю и в Університеті Градця Кралове.
Занимав ся головно компаративнов ґраматиков славянськых языкув, западнославянськыми языками и їх контактами, западнославянськыми (чеськыми и польськыми) переселенчими діалектами у Росії. Інтересовав ся ай малыми славянськыми языками, публіковав статі за русинськый язык и його розличні варіанты. Перекладав из чеського, словацького и польського языкув.
Моноґрафії Атрибутивные поссесивные конструкции в истории славянских языков (2018) České etnojazykové ostrovy v Rusku na počátku 21. století (2024)
Референції
Катеґорія:Лингвисты