Христіа́н Гю́йґенс ван Зёйліхем (нид. Christiaan Huygens; род. 14. апріля 1629, Гаага, Нидерланды — 8. юла 1695, там же) — нидерландьскый механік, фізик, математик, вынаходник и астроном. Первый иноземный член Лондонского кралёвського общества (1663), член Французькой академії наук из 1666 року и первый ї президент (1666-1681).
Біоґрафія Гюйґенс родився у Гаазі у 1629 році. Ёго втиць Константин, літератор и тайный совітник принцӯв Ораньскых. Константин Гюйґенс быв цімбором Декарта и ёго творба влияла не леш на Константина но и на ёго сына.
У 1657 році Гюйґенс получив патент на робку маятниковых го̄динок, у кӯнци свого живота их хотів создати Галілей, айбо му помішала проґресувуча сліпота.
У 1661 році Гюйґенс приїхав у Анґліцькоє кралёвство. У 1665 році поселився у Парижови, там же через рӯк была создата кралёвська академія наук. У 1681 році Гюйґенс не желавучи переходити у католіцизм позад удміны Нантского едікта переїхав обратно у Гаагу, у 1690-ых ёго здоровля начало ухудшатися и обострилися многі ёго хыбы их здоровлём. Послідньым трудом Гюйґенса став "Космотерос" де тот припускав живӯт на другых планетох, туй же мы и видиме проґресівность ёго думаня.
Гюйґенс умер у 1695 році у варошови Гаага, Зъединены Провінції Нидерланды.
Філозофія наукы У молодости Гюйґенс увлікався системов світа Декарта (картезіанством), айбо потӯм ї удрицав.
У кӯнци живота Гюйґенс оцінив творбу Декарта так: «Я раз не нахожу у всю̄в ёго фізиці, метафізиці ци метереолоґії нич, што я бы м годен приняти за истинну.»
Памнять В честь Гюйґенса назваты: Пік Гюйґенса на місяцёви коло кратера Гюйґенс А Кратер на Марсі Астероїд 2801 Гюйґенс Косміческый зонд доставшыйся Титана Лаборатория у Лейденьскӯм універзитеті, Нидерланды
Удкликованя
Тоты даны суть часточно або цалком основаны на перекладї статї Гюйгенс, Христиан на Російськӯв Вікіпедії (чісло ревізії не было становлене).
Катеґорія:Уродили ся 14. апріля Катеґорія:Умерли 8. юла