Михал Шмайда (*2. новембер 1920, Красный Брод, окрес Межилаборцѣ Пряшовского края — †30. апрѣль 2017, Братислава) — писатель и збератель фолклору Русинох в Словакии.
Биография Походить зоз русинской селянской родины з Красного Броду. По зачаточной школѣ в родном селѣ закончив горожанку в Межилаборцях. Закончив курсы агрономох.Качуровскый И. Року 1948 дебютовав у часописѣ "Колокольчик-Дзвіночок".Ковач Ф., с. 383. В роках 1960–1971 робив в Музею украинско-руськой културы в Красном Бродѣ и Свиднику.Магочи П.Р., Поп И., с. 820 Ту розвив свои знаня русинского фолклору, зачав зберательску роботу и публикации фолклорных и етнографичных статей. По року 1968 став ся объектом репрессий и мусѣв лишити роботу в музею, але продовжовав фолклористичну роботу приватно.
Року 1990 быв межи закладателями Русинской Оброды и подтримовав русинскы публикации. Хоть сам держав ся украинской орьентации, нигда не выступив против русинской културной оброды. В послѣдных роках живота занимав ся переважно русинсков етнографиов и фолклором.
Творба Литературна творбу зачав поезиями и повѣданями, котры публиковав в украинскых выданях Словакии "Дружно вперед", "Дукля", "Нове життя". Року 1953 опубликовав повѣсть "Паразити", року 1954 – киноповѣсть Запалена кров. Але правдиву популарность му принесли его найпознатшы дѣла — зберька повѣдань "Вязка ключів" (1954) и роман "Тріщать криги" (1957), котрый быв выданый и по словацкы (1959). Тот роман, як и наступный говорить о проблемах коллективизации, перемѣны народности и конфессии, котры пришли з новым коммунистичным режимом. Корчмарський слуга (1965, роман) З народної пам’яті (1969, фолклор) Роз'їзди (1970, роман о роботниках на выставбѣ Выходословацкых Желѣзарень) А іші вам вінчую (1992, фолклор) Колискові пісні (1993, фолклор) Послѣдны выданы книжкы были: Таємниця ебенової шкатулки (Пряшів, 2000) Розколота душа (Париж – Цвікау, 2004. Бібліотека альманаху українців Європи "Зерна")
Высокого оцѣнѣня достали найме его новеллы.
Вызнаменаня В року 2008 достав од президента Словакии Ивана Гашпаровича штатне вызнаменаня Прибинов крест третьей классы за цѣложывотне дѣло.
Жерела и одказы Качуровський І. Про українського новеліста. Ковач Ф. и др. Краєзнавчий словник русинів-українців. Пряшівщина. СРУСР. Пряшів, 1999. Магочій П.Р., Поп І. (уклад.) Енциклопедія історії та культури карпатських русинів. Вид-во В.Падяка. ужгород, 2010. Медвідь П. Писатель Михайло Шмайда днесь дожывать ся 95 років. //Lem.fm; 02.11.2015 Медвідь П. Умер писатель і фолклоріста Михайло Шмайда. //Lem.fm; 01.05.2017
Референции
Катеґорія:Русиньскы писателї Катеґорія:Русиньскы умелцї Катеґорія:Русиньскы фолклорісты Катеґорія:Украинскы писателе