Ростовя́тиця авадь Ростова́тувці (, , ) тото село у Мукачовському районі у Закарпатськуй области Украйины.
Назывка Назывка села походит уд фамілії „Ростоват“, закунченя -ovьci указує на приналежнусть. Етимолоґія „Ростоват“ спорна; подля Ласлова Чопея вно годно походити уд ;Чопей, Ласловъ (1883), Русько мадярский словарь. Будапешт. подля М. Демчука вно походит уд власных назв Рост и Ростиславъ,Демчук, М. О. (1988), Словянські автохтонні особові власні імена в побуті українців XIV–XVII. ст. Наукова думка, Київ.; ищи єднов теорійов є походжіня уд „скоро ростучый“. Офіційна украйинська назывка села тото адаптація історичної русинської.
Назывкы у письмовых споминах за село: 1782–1784: Rostovacze 1782–1785: Rosztovatica/Rosztowace 1824–1862: Rosztovatczi 1855: (Ростоватицька винниця) 1857–1859: Rostovatici 1865: Ростоватицъ, Rosztovaticze 1872–1884: Roztavatia 1910: Rosztovaticze 1925: Roztavatja 1929: Roztovatin 1941: Rosztovática 1943–1944: Rosztovátova 1944: , 1968: Ростовʼятиця 1983: , 1991:
Історія Ростовятиця была закладена у 18. сторочу в товдышньому комітаті Береґ на околици Кішмодьоровша. У воєнному списованьови комітата ся пише: „Хыжі належат ид селови Кішмодьоровш/Міколовце“. Тіводор Легоцькый писав за село ги зохабленоє в 19. сторочу: „Дас за 15 минут на сівер уд Кішмодьоровша є сесе даколи окремоє поселеня в узкуй долині; оно теперь має вусям хыж и, закапчаноє в Кішмодьоровш, трафлят до його юрисдикції. Туй жыє лісник файты ґрофа Шынборна“; „Сурдик из шором хыж, котрый ся знає ги Ростовиця, до 18. стороча быв окремым селом“. В урбаріях 16–18. сторочув за такоє поселеня ся не споминат. Подля кадастровых мап, у 1865. році межи Кішмодьоровшом и Нодьмодьоровшом было поле, котроє ся кликало Ростоватиця (Rosztovatica); до 1908. року на ньому ся поклало обыстя, и у першуй половині 20. стороча там изась было село.
Обывательство У списованьови 2001. року Ростовятиця мала обывательство 187 чоловік, 100% населеня села означило украйинськый за материнськый язык.https://web.archive.org/web/20140731182036/http://database.ukrcensus.gov.ua/MULT/Database/Census/databasetree_uk.asp
Запяткы
Референції
Катеґорія:Села Закарпатьской области Катеґорія:Села за областю Україны Катеґорія:Села Україны