Па́сіка (мад. Kishídvég) (укр. Пасіка) — село у Мукачовськӯм районови (до 2020 Свалявськӯм), Закарпатьской области, Украйины.
Історія Село первый раз ся споминать у 1600 році ге Paszika. Село было основано на хащовӯв по̄ляні, Леґоцкый объяснять назву села тым ож основано оно было коло рікы Пасіка. У 1904 році назва села, Пасіка была перемінена на мадярьску Kishídvég.
Реліґія храм ст. арх. Михаила. 1804.
У 1672 році у селі быв пӯп Иван Русин. У 1692 році Пасіка споминать ся ге філія Сускова, а у 1699 році первый раз спомнено цирьков, што може быти, стояла на місті, якоє дотипирь называться «Гробище».
Деривляну цирьков из єдным дзвоном споминавуть у 1733 році при попови Шимонови Тарковичови, вӯтцёви будущого епископа, и у 1778 році.
У 1804 році мало вышше міста, де была деривляна цирьков, построєно муровану цирьков базилічной формы. Кажуть, шчо цирьков стройили при турках, муры уйшли дуже кріпкі, бо каміня клали на «горячому» вапнякови. Близко 1919 року Иван Лендєл учинив хор и деривляну конструкцию, што держить на башни церкви три дзвоны. Малый дзвӯн удлили у 1822 році силами Юрія Кеменяша и Василя Немеша. Великый дзвӯн заказали на зачатку 1920-ых рокӯв Василь Желізник и Иван Кеменяш. Иконостас из 28 икон происходить из зачатку XX стороча.
Знамі Родаци У Пасіці родився Григорій Таркович (1754—1841) — первый епископ сотвореной у 1816 році Пряшовськой греко-католицькой єпархії.
Обывательство У селі на 2001 рӯк живе 1179 людий, из них подля языка:
Украйинці — 98,91%
Русы — 0,75%
Мадяры — 0,25%
Туристичны міста • Мінеральный ґейзер
• Скала любови
• храм ст. арх. Михаила. 1804.
Клімат
Погода у селі
Удкликованя Тоты даны суть часточно або цалком основаны на перекладі статі Пасіка (Мукачівський район) на Украйиньскӯв Вікіпедії (чісло ревізії не было становлене). Катеґорія:Села Закарпатьской области Катеґорія:Села Україны Катеґорія:Свалявскый район Катеґорія:Населены пункты Украины Катеґорія:Села подля краины Катеґорія:Села за областю Україны Катеґорія:Населены пункты