А́рдово ( Ardovo, Pelsőcardó) — село в окресѣ Рожнява, Кошицкого краю в народном парку , на западном краю Силицкой планины (277 м над морьом), оддалене около 8 км од мадярской границѣ.Ардово //Енциклопедия Белиана Сельскый уряд Obecný úrad Ardovo 34 049 55 Dlhá Ves
Днесь село терпить од безроботя, што заставлять молодых одходити за роботов инде. Староста Даниел Фабиан пробуе зыскати новы робочы мѣста через розвой мѣстного туризму.Fábián Gergely
История Село первый раз ся споминать в документах под роком 1243 з назвов Erdes, в роках 1873–1913 Pelsőcardó, од року 1920 Ardovo. В середновѣку были ту банѣ на олово. По нападѣ Османох в 16. сторочу помалы упадало и заникло в року 1682. Обновило ся по року 1740.В рокох 1890–1943 в катастрѣ села фунговала баня на золото, стрѣбро, платину и олово. Обывателе занимали ся земледѣлством, ховом маргы и овець, лѣсовыма роботами, палили угля и служили в банях. По Трианонѣ село належало Ческо-Словенску, а в року 1938–1945 было зась припоене ку Мадярщинѣ.
Мадярска назва села Pelsőcardó означать: Плешивецькый Ардов; Плешивець — векше село, оддалене лем около 2 км, до чийого катастра тѣсно прилѣгать Ардово; а ardó-вами называли в великом числѣ осады, де жыли лѣсовы пограничны охранцѣ, котры были повинны охраняти кральовскы лѣсы и застачати кральовску кухню дичинов, напримѣр: Beregardó (теперь часть Берегова), Szőlősvégardó (теперь Підвиноградів).
Обывательство
У селѣ в року 2023 жыло 147 люди. Подля списованя в року 2021 мало 158 обывательох, из них: Мадяре — 46,2% Словакы — 51,3%
Памятникы природы Недалеко од села лежить Ардовска яскыня з жерелом, яскыньова осада з богатыма археологичныма свѣдоцтвами доисторичных доб: керамика, выробкы з камѣню, костяны предметы. Памятник под охранов державы од року 1934, в року 1962 выявили слѣды осады нового камяного вѣку з наскалныма рисунками.Pelsőcardó (Ardovo) Подля дакотрых фаховых оцѣнок тоты рисункы можуть мати 35-40 тысяч рокы.
Архитектурны памяткы (опубликоване року 1999, актуализоване — 2023) Евангелицкый костел (1787–1788) з добудованов турньов (1928). Селянске обыстя Матѣйов дом з хыжов (1852), коморов и хлѣбовым пецом.
Жерела Ардово //Енциклопедия Белиана Encyclopaedia Beliana,
Референции
Катеґорія:Населены пункты Словакии Катеґорія:Населены пункты подля алфавиту Катеґорія:Окрес Рожнява Катеґорія:Села Словеньска Катеґорія:Населены пункты Катеґорія:Населены пункты окресу Рожнява