Бударь тото мала будова, окрема уд хыжі вадь головної будовы, котра обсягує тоалет (заход). Тото типово ямна латрина вадь конструкція из зйомным контейнером, айбо пораз ся трафлявут и другі филі сухых (беззмывных) тоалетув.
Бударі ся майчасто трафлявут у сільськуй місности тай у розвивавучых ся крайинах, айбо у подакотрых розвитых крайинах ги, наприклад, Австралія они ся хосновали у варошах онь до другої половины 20. стороча. У густозаселеных реґіонах ямні тоалеты годні приводити д зараженьови ґрунтовых вод.
Филі Ямні латрины
Часто бударі покладені над ямнов латринов, котра збират удходы у ямі в земли. Кой яма ся цілком заповнює, єї авадь спустошувут, авадь бударь ся переносит на новоє місто. Латрины годні приводити д зараженьови ґрунтовых вод и проблемам из здоровльом при неправилному поводжіньови з удходами. У 2013. році ся проґнозовало, ож дас 1.77 міліарда людий хоснувут ямні латрины, головно в розвивавучых ся крайинах, сільськуй місности тай у дичині.
Из зйомным контейнером Конструкції из зйомными контейнерами позволявут реґуларно выносити удходы, в тому числі пущати їх на компостованя. Історично майбулше така система была популарна в анґліцькому варощику Рочдейл, позад чого подаґде была знама ги „рочдейлська“. Книгы 20. стороча фіксувут хоснованя такых систем санітації у частях Франції и инде по континенталнуй Европі.
Скапчані статі Тоалет
Референції