Ле́ся Ада́мова (рожд. Стецо́вич; 7. януара 1974, Павлово, Свалявськый район) є русинська поетка тай писателька.
Ранньый живот Леся Стецович ся родила 7. януара 1974 у Павлові Свалявського, а наднесь уже Мукачовського района. Кунчила Плоскувську ошколу.
В 1988. рокови воступила у Свалявськый політехнічный технікум на планово-економічноє удділеня тай го кунчила у році 1991. Робила на Свалявському лісокомбінатови, на фабриці ДСП.
Уд зачатку 1995. рока жиє на Чехах.
Творьба У 2017. рокови удала поетичну зберьку „Перегортаючи сторінки щоденника“ из стихами у чотырьох языках: по русинськы, по украйинськы, по російськы тай по чеськы. На вусям стихув (4 по русинськы тай 4 по украйинськы) из сиї зберькы были написані мелодії.
У 2021. рокови удала велику зберьку поезії „Мамины чічкы (2017–2020)“.
Поезія Адамової-Стецович часто уходит у журналови „Отцюзнина“ (головно на першых боках у вступови), єї поетичні тай прозові творы уходят у кажджому из „Алманахув днешньої русинської літературы“. Поетка фурт ся ділит новов творьбов у соціалнуй сітці Facebook.
Референції
Катеґорія:Русиньскы поеты Катеґорія:Русиньскы писателї