Октавиан Август ( IMPERATOR CAESAR DIVI FILIVS AVGVSTVS; *23. септембра , Рим — †19. августа , Ноле, близко Неапола) — быв первым императором, закладательом Римской империи и пановав од року аж до своей смерти в року 14.Грейдина М. Л., Мельничук А. А. По уроджѣню достав имя Гай Октавий: так ся звав его отець, сенатор з богатого роду конникох (equites). По смерти Цезаря приняв имя Гая Юлия Цезаря. При вступѣ в иншый род, род Юлиох, призвиско Октавий змѣнило ся на Октавиан, и одтогды го так познавали аж до року , коли му даровали титул Августа.Грант М.
Биография Август (латинске Augustus означать «возвеличеный богом») быв сыном дѣвкы сестры Гая Юлия Цезаря, Юлии. Але Гай Юлий Цезарь усыновив го во своем тестаментѣ, и так он став ся од року императором. Допроводжовав Цезаря в его походах до Испании, быв вызнаменаный орденами. По смерти Цезаря став ся его наслѣдником подля тестаменту. З Марком Антонием и Лепидом створили другый триумвират и звитязили над войском Брута и Кассия, забивцьох Цезаря. По одставлѣню од влады Лепида, Август зачав бой против Марка Антония, которому забрав вшиткы уряды и званя, а его сполочници, египетской царици Клеопатрѣ, выголосив войну. В року Октавиан Август став ся самоособным римским пановником. Быв ку тому Найвысшым жрецьом (Pontifex maxĭmus) и Отцьом Отечества (pater patriae). Знав притягти ку своей политицѣ ученых и розумных радникох, меджи котрыма одзначали ся войвода Агриппа и покровитель умѣня Гай Меценас. Под их вплывом пришов росцвѣт умѣня и народа. Императора и его добу прославляли Гораций, Проперций и Вергилий. В Римѣ были вознесены знамениты архитектурны ставбы: императорскы палаты и форум, сонѣчна годинка, Олтарь Мира Августа, мавзолей на Марсовом полѣ, библиотека на Палатинском грунку. Мѣсяць его смерти быв названый Августом. По часѣ термин Август достав вызнам титула императора.
Хронология 44 до н. е. — Брут и Кассий в сенатѣ забили Юлия Цезаря (15. марец).Хронология, с. 73. 43 до н. е. — Октавиан, Марк Антоний и Лепид створюють другый триумвират. 42 до н. е. — Юлия Цезаря выголосили римскым державным Богом, и так Октавиан ставать ся «Сыном Божым» (Divi Filius). 42 до н. е. — Октавиан и Марк Антоний обѣцяють пораховати ся зоз забивцями Юлия Цезаря и розбивають их войско при Филиппах; Брут и Кассий починяють самогубство. 32 до н. е. — збѣгла доба триумвирату, и Октавиан выголошуе войну — але не против свого сонародника Марка Антония, но против чужоземкы Клеопатры, котра нарушила статус римской клиенткы. 31 до н. е. — Октавиан добывать дефинитивну побѣду над флотом Марка Антония и Клеопатры.Хронология, с. 74. Марк Антоний и Клеопатра утѣкають до Египту. 30 до н. е. — по инвазии римского войска и самогубствѣ Марка Антония и Клеопатры Египет переходить под владу Рима. 27 до н. е. — Октавиан бере императорскый титул Август и Рим ся ставать империов. 12 до н. е. — Октавиан бере титул Найвысшого жреця. 9 до н. е. — вознесеный Олтарь Мира императора Августа (Ara Pacis Augustae).
Жерела и одказы Хронология:
Референции
Катеґорія:Старовікый Рим Катеґорія:Пановници Катеґорія:Императоры