Нюфа́ундленд и Лабрадо́р (анґл. Newfoundland and Labrador) (инуі. Akamassiss) (мікм. Ktaqamkuk) (фр. Terre-Neuve-et-Labrador) — провінція Канады, тото острӱв Нюфаундленд и полуострӱв Лабрадор. Провінція ся припойила ид Канаді у 1949. році.
Історія Первый раз у Нюфаундленд прибыли поселенці-европейці, вікінґы из Ісландії, ищи 1001. року: раз до Ґренландії, відтак до острова Баффіна, до Лабрадора и Ньюфаундленда. Назвали они исі зимлі «Маркленд» авадь «Землі Лісӱв» — и постройили туй своє первоє поселеня, якоє, годно быти, пробыло усёго леш пару рокӱв. У 1497 р. Джон Кабот прибыв до Нюфаундленда, усадився у районови Бонавісты и установивши флаг Анґлії, прогласив имням краля Генріха VIII землі исі британьскыми.
На берегови Нюфаундленда были и французькі поселеня, які у основному занимали ся иманём рыбы. Слідством Семирӱчної войны Франція зазнала поражіня и удказала ся уд усьых колонії у Севернӯв Америці, айбо налягала на право держати два малинькі островы Сен-Пъер и Мікелон пиля берега Нюфаундленда, які мали великоє значеня про рыболовлю: они и ныні лишавуть ся землями Франції.
Перва світова война мала великый и затяжный ефект не и на общество, так и на історію Нюфаундленда и Лабрадора. Почти четверть ёго обывательства — 5482 ос. удбыло на фронт, из якых приблизно 1500 умерло и 2300 ранено. До 1949 р. Нюфаундленд и Лабрадор мали статус независной колонії, а у 1949. році люди проголосовали за припоєня ид Канаді, из удмінными им історіёв, економіков, културов и політичными установами.
Обывательство Історично обывательство провінції складало ся у основі при Европскӯв еміґрації. Векшына обывательства Нюфаундленда и Лабрадора происходить многым из Анґлії и Ирська. У 2001 р. 2,9 % людий было корінными народами. Етніцькый состав провінції склав ся такым образом: Крайна происхождіняЧислоПроцентАнґлія200,12039,39 %Ирсько100,26019,73 %Шкоція30,2955,96 %Франція27,7855,47 %Америцькі индіане16,0303,16 %Народы севера7,4451,47 %Німицько6,2751,24 %Метисы6,1201,20 %Уелс2,7900,55 %
Удкликованя
Історія Ньюфаундленда Обзор економікы Нюфаундленда Енциклопедія Енкарта Катеґорія:Административны части Канады Катеґорія:Провинции Канады Катеґорія:Основаны 1949 Катеґорія:Нюфаундленд и Лабрадор