„Но́ва радо́сть ста́ла“ є популарна на Пудкарпатю колядка.
Текст Єден из варіантув текста колядкы: Нова радость стала, Яка не бывала: Над вертепом звізда ясна Світу возсіяла.
Де Христос родив ся, З Дівы воплотив ся, Як человік пеленами Убого появив ся.
Просиме тя, Царю, Небесный Владарю, Даруй літа щасливії Сему господарю.
Сему господарю, И сюй господыні. Даруй літа щасливії Всюй його родині. (Даруй літа щасливії И малуй дітині.)Послідньый куплет ся годен варійовати.
Май архайичный варіант текста, записаный Антонійом Бобульськым у зберьці „Колѧды съ рождественной игрой длѧ колѧдниковъ“ (1925), подає ся так: НОВА РАДОСТЬ СТАЛА.
Нова радость стала, Ꙗка не бывала: Звѣзда ꙗсна надъ вертепомъ Свѣту возсїѧла.
Коль Христосъ родилсѧ, Зъ Дѣвы воплотилсѧ, Ꙗкъ человѣкъ пеленами Оубого повилсѧ.
Ангелы спѣвали, „Слава“ восклицали, На небесахъ и на земли Радость возвѣщали.
Давидъ царь играетъ, Въ гусли оударѧетъ, Садкогласно и предивно Бога восхвалѧетъ.
И мы то спѣвайме, Христа прославлѧйме. Из Марїи рожденнаго Смиренно благайме.
Просиме Тѧ Царю, Небесный Владарю, Даруй лѣта щастливїѧ Сему господарю.
Въ мирѣ проводити, Тебѣ оугодити. И съ тобою въ царствѣ Твоемъ Во вѣкъ вѣковъ жити.У май модернізовануй ортоґрафії:
Нова радость стала, Яка не бывала: Звізда ясна над вертепом Світу возсіяла.
Коль Христос родился, З Дівы воплотился, Якъ человік пеленами Убого повился.
Ангелы співали, „Слава“ восклицали, На небесах и на земли Радость возвіщали.
Давид царь играєт, В гуслі ударяєт, Садкогласно и предивно Бога восхваляєт.
И мы то співайме, Христа прославляйме. Из Марії рожденнаго Смиренно благайме.
Просиме Тя Царю, Небесный Владарю, Даруй літа щастливія Сему господарю.
В мирі проводити, Тебі угодити. И с тобою в царстві Твоєм Во вік віков жити.
Жерела
Удкликованя
Колядкы
Референції
Катеґорія:Рождество Катеґорія:Колядкы Катеґорія:7. януар