Арґумéнт з недовíрлости, знамый тыж як арґумéнт з осóбной недовíрлости, апелація на здоровый розум, або божов хыбов — хыба в неформалній лоґіцї. Твердить, же тверджіня мусить быти неправдиве, бо сперечать особным чеканям або пересвідчіням або є тяжко представити.
Арґументы з недовірлости можуть мати подобу:
Не можу сі представити, якбы F могло быти правдивым; значіть F має быти неправдивым. Не можу сі представити, якбы F могло быти неправдивым; значіть F має быти правдивым.
Арґументы з недовірлости можуть взникати через з неприміримой емоційной анґажованости, зо споїня фантазії і реальності, з недостаточного розуміння або з інштінктівной «внутрїшнёй» реакції, особливо кедь мало часу . Часто тыж їх хоснують, жебы стверджовати, же штось мусить мати надприродне походжіня. Тота форма арґументації є хыбна, кедьже неспособность представити сі, як може быти тверджіня правдивым або неправдивым, не дає жадну інформацію о тім, ці є оно правдиве або неправдиве в реальності.
Референції
Катеґорія:Лоґічны хыбы